Qazaqstandyq kásipqoı boksshy Jánibek Álimhanuly ulybrıtanııalyq Dennı Dıgnýmǵa qarsy jekpe-jekke daıyndyǵyn jalǵastyryp jatyr, dep habarlaıdy Egemen.kz Prosports.kz-ke silteme jasap.
«Kúsh arttyrý, shydamdylyq pen jyldamdyqty shyńdaıtyn jattyǵýlarǵa kiristik. Kelesi apta sparrıng. Rıngke 100 paıyz daıyn bolyp shyǵý kerek. Álemge Qazaq stılin kórsetýge óte jaqsy múmkindik týyp tur. Buıyrsa, tarıh jasaımyz!», dep jazdy boksshy Facebook-paraqshasynda.
Eske salsaq, Álimhanuly men Dıgným jekpe-jegi 21 mamyrda AQSh-ta ótedi. Boksshylar orta salmaqta WBO tujyrymy boıynsha ýaqytsha álem chempıony tıtýlyn sarapqa salady.