Aýyl sharýashylyǵy tehnıkasynyń 90 paıyzy eskirgen

Is-sharaǵa Parlament Sena­tynyń depýtattary, ortalyq mem­lekettik organdardyń bas­shylyǵy jáne qoǵamdyq bir­lestikterdiń ókilderi qatysyp, otandyq aýyl sharýashylyǵy tehnıkasy óndirisin damytýdyń ózekti máselelerin talqylady.

Senattyń Agrarlyq máse­leler, tabıǵatty paıdalaný jáne aýyldyq aýmaqtardy damy­tý komıtetiniń tóraǵasy Álı Bek­taev dóńgelek ústel otyrysyna tóraǵalyq etti.

«Mashına-traktor parkiniń eskirýi jáne jańartý qarqynynyń tómendigi negizgi másele bolyp otyr. Sonymen qatar búgingi tańda aýyl sharýashylyǵy tehnıkasy baǵasynyń (shamamen 25-30 paıyzǵa) óskeni de baıqalyp otyr. Bul bolashaqta tehnıka­ny jańartý qarqynynyń tómen­deýine ákeledi. Sondyqtan qazirgi ýaqytta lızıngke beriletin já­ne tikeleı satyp alynatyn aýyl sharýashylyǵy tehnıkasy­na jeńildikpen nesıe berýdi qar­jy­landyrý quraldaryn odan ári damytý qajettigi ózekti bolyp otyr», dep atap ótti Álı Bektaev.

Otyrys barysynda Prezı­dent Joldaýynda da saladaǵy proble­malar aıtylǵany atalyp ótildi. Memleket basshysy agro­ónerkásip kesheninde paıdalanylatyn tehnologııalardyń 90%-ǵa jýyǵy eskirgenin jáne jańǵyrtýdy qajet etetinin atap ótti. Prezıdent sondaı-aq salany sýbsıdııalaý saıasatyn qaıta qa­raýdy tapsyrǵan bolatyn.

Senator Muhtar Juma­ǵa­zıev óz baıandamasynda bir­qatar prob­lemany atap ótip, aýyl sharýa­shylyǵy tehnıka­syn jańartý jaǵ­daıyna alańdaý­shylyq bil­dirdi.

«Respýblıka boıynsha 2022 jyl­ǵy 1 qańtarda aýyl sharýa­shylyǵy tehnıkasyn jańartýdyń ortasha deńgeıi 4,3 paıyzdy qura­dy, al bekitilgen normatıv boıyn­sha jyl saıyn 6 paıyzǵa jańar­­tylýǵa tıis», dep atap ótti senator.

Indýstrııa jáne ınfra­qury­lymdyq damý mınıstriniń orynba­sary Marat Qarabaev pen aýyl sharýashylyǵy mınıstriniń birin­shi orynbasary Aıdarbek Sapa­rov osy problemalardy sheshý jónindegi óz pikirlerimen bólisti.