Sanksııadan qutqaratyn saıt

«Reseı men Belarýsqa birqatar eldiń sanksııa engizýinen keıin kásipkerler kóptegen máselege tap bolady. Máselen, belgili bir ónim nemese bankke sanksııa engizilýi múmkin be jáne t.b. Bul másele osy elderge qazaqstandyq ónimderdi eksport­taýda ǵana emes, jalpy ózekti bolyp otyr. Biz búkil álemmen erkin saýda ja­saı­myz, al biryńǵaı kedendik aımaq ja­ǵdaıynda taýarlar aǵyny barynsha je­ńil­detilgen. Sondaı-aq Qazaqstan arqy­ly Reseı men Belarýske baǵyt­talǵan taýarlar kóptep keledi. En­di­gi mindetimiz – reeksport qaýpine baı­lanys­ty sanksııa salǵan elderdiń «erek­she naz­aryna» túsip qalmaý», dep jazdy Saýda jáne ıntegrasııa mınıstri Baqyt Sultanov.

Osy oraıda kásipkerlerge qolaıly bolý úshin Premer-Mınıstr tóraǵa­lyq etetin Jedel shtab bızneske ar­nalǵan «nusqaýlyqty» qurý týraly sheshim qabyldaǵan. Ol boıyn­sha sanction2022.kz/main saıty ashy­lyp otyr. Bul jerde elder­degi geosaıası táýekelderdiń joǵary ekenin eskere otyryp, Reseı naryǵy­nan ketýge sheshim qabyldaǵan halyqara­lyq kom­panııalardyń tizimi de jarııalanǵan.

«Bul kompanııalardy Qazaqstan­ǵa tartý týraly máselege kelsek, Qazaq­standa bıznes ashý jáne júrgizý úshin jaǵ­daı­lar postkeńestik keńistiktegi eń qolaı­lylardyń biri bolyp sanalady. Bul óz kezeginde naqty sektorda ınvestı­sııalardyń ósýine jáne jańa óndiristerdiń ashylýyna yqpal etedi. Al bul – Memleket basshysynyń Úkimet aldyna qoıǵan negizgi mindetteriniń biri. Sondyqtan Qazaqstanda óz óndirisin ashqysy keletin kez kelgen kompanııa ınvestorlar úshin qoljetimdi jeńildikterdiń tolyq spektrin paıdalana alady», dep túsindiredi B.Sultanov.

Jańa saıtta Reseı men Belarýske qa­tysty salynǵan sanksııalardyń to­lyq tizimi, EO, AQSh jáne Ulybrı­ta­nııa tarapynan salynǵan sanksııa­larǵa ushy­raǵan taýarlar tizimi, RF-dan ketýge sheshim qabyldaǵan halyqaralyq kom­panııalar men AQSh-tan Reseıge sándi taýar­lardy eksporttaýǵa salyn­ǵan ty­ıym­dar tolyǵymen jarııa etilgen.