Naryqtaǵy bolyp jatqan kez kelgen ózgeristerge qaraı ekinshi deńgeıli bankter de ózderiniń qarjylyq saıasatyn ózgerte bastaıdy. Jeldiń qaıdan soqqanyna baılanysty jedel túrde ońtaıly (bálkim ózi úshin, bálkim klıent úshin) baǵyt ustanbasa, reıtıngin tómendetip alýy yqtımal. Naýryz aıynyń orta sheninde áleýmettik mańyzy bar azyq-túlik taýarlary 5,6 paıyzǵa qymbattap ketti. Mundaı jaǵdaıda adamdar taýardy bólip tóleý arqyly satyp alýǵa kóshe bastaıdy.
Taýarlar men qyzmetterdi bólip tóleýge qoljetimdilik beretin eń yńǵaıly ónim – bólip tóleý kartalary. Ranking-tiń jazýynsha, qazir mundaı kartalardy elimizdegi 22 ekinshi deńgeıli banktiń 10-y ǵana usynady. Sonyń ishinde seriktestik jelilerine baılanbaı, eshqandaı geografııalyq shekteýlerge urynbaı, syılyqaqy men komıssııany da qospaı «taza» bólip tóleý usynatyn tórt qana bank bar, olar – ForteBank, «Sberbank», Jusan Bank jáne Altyn Bank. Kóp jaǵdaıda bólip tóleý merzimi 3 aıǵa josparlanady.
«Úsh aıdan asatyn bólip tóleýdi qosymsha tólem jasaý arqyly rásimdeýge bolady. Mundaı eń úlken merzim – 36 aıǵa deıingini ForteBank usynady. «Sberbankte» aqyly túrde 24 aıǵa deıin, Jusan Bank-te 12 aıǵa deıin (lımıtke baılanysty 490-nan 4 990 teńgege deıingi aralyqta komıssııa) merzimdi uzartýǵa bolady. Altyn Bank merzimdi tek 6 aıǵa ǵana uzarta alady. Bank saıtynda bólip tóleý sharttary kórsetilmegen. Bul tórt bankte de kartaǵa qyzmet kórsetkeni úshin komıssııa alynbaıdy», dep jazady Ranking.
Kartalar boıynsha nesıe lımıtteri mynadaı: ForteBank pen «Sberbankte» – 3 mln teńgege deıin, Altyn Bank-te – 5 mln teńgege deıin, al Jusan-da – 1 mln teńgege deıin. Taǵy bir mán berer jaıt – bólip tóleý kartalarynyń jan-jaqtylyǵy. Máselen, Forte, Sber jáne Altyn kartalaryn nesıe kartasy retinde de paıdalanýǵa bolady, ıaǵnı nesıe lımıti sheginde qolma-qol aqshany shyǵarý arqyly. Sondaı-aq ForteBlack-ty bul maqsattardan ózge, ádettegi debettik karta retinde qoldanýǵa múmkindik bar. Al bólip tóleýdi satyp alýdy aıaqtaǵan soń rásimdeısiz.
«О́zge elderde de paıdalanýǵa múmkindik beretin bólip tóleý kartalaryn 5 bank usynady, biraq tegin emes. Olar – «Bank SentrKredıt», «Eýrazııalyq bank», «Bank HoýmKredıt», Halyk Bank jáne «Alfa-Bank». Úsh bankte qyzmet kórsetkeni úshin komıssııa alynady: Halyk Bank-te – qoldanys merzimi ekinshi jylǵa aýysqanda 6 990 teńge, «Alfa-Bankte» – qoldanys merzimi ekinshi aıǵa aýysqanda 1 000 teńge, «Bank Hoým Kredıtte» DOS kartalary boıynsha bólip tóleýdi tolyq ótegenge deıin aı saıyn 499 teńge ustalyp otyrady», dep derek keltiredi Ranking sarapshylary.
Sondaı-aq seriktestik jelilerinen tys bólip tóleý satylymyn jasaǵan kezde «Bank Sentrkredıt» pen Halyk Bank aıyna 1 paıyz kóleminde, al «Eýrazııalyq bank» SMARTCard kartasy boıynsha aıyna 1000 teńge, PayDa! kartasy boıynsha aıyna 2000 nemese 5000 teńge (bir aıdaǵy satyp alý somasyna baılanysty) kóleminde komıssııa ustap qalady.
Eldegi eki bank tek ózderiniń seriktestik jelileri boıynsha ǵana bólip tóleý kartalaryn usynady: Kaspi Bank óz klıentterine Kaspi Red-ti usynsa, «Bank Hoým Kredıt» DOS Pro ónimderimen baılanysty satyp alýlarǵa ǵana bólip tóleý rásimin beredi.