Qarjysyn qorǵa aýdardy

Londonda ırlandyq sýretshi Merı O’Konordyń «Shaı jáne suhbat» atty Qazaqstan týraly albomynyń tusaýkeseri ótti. Qazaqstan Respýblıkasynyń Uly­­brı­­­tanııadaǵy Elshiliginde qazirgi zaman­ǵy kórkemónerdiń ókili ırlandyq sýret­shi Merı O’Konordyń «Shaı jáne suh­bat – Ortalyq Azııa sheteldikterdiń kózqara­symen» atty albomyn tanystyrý rásimi ótti. Basylymda Qa­zaq­stan halqynyń salt-dástúri men ádet-ǵurpyna, mádenı-ta­rı­hı es­kert­kishterine, dinı nysandarǵa ar­nal­ǵan avtorlyq sýretter men má­de­nı-rý­hanı mura týraly birqatar maqalalar, so­nyń ishinde qazaqtyń uly oıshyl aqyny Abaı Qunanbaev pen qazirgi zamanǵy ádebıet ókil­deri shy­ǵar­malarynyń aýdarmalary jaryq kórgen. Brıtandyq tarap Qazaqstan halqynyń tarıhı-mádenı murasymen, zamanaýı úr­dis­ter men qoǵamdyq úderistermen tanysty. Basylymnyń avtory Merı O’Konor ulttyq birliktegi jáne qoǵamdyq kelisim­degi jetistikterdi jáne bul sala­daǵy qazaqstandyq tájirıbeni, ártúrli ha­lyq­tar men mádenıetter arasyndaǵy ózara túsinistik nyǵaıtýda jáne turaq­tan­dyrýda Qazaqstannyń qosqan úlesin asa joǵary baǵalady. Kitap satylymynan túsken barlyq qa­ra­­jatty sýretshi Merı O’Konor bala­­lar úıinde turyp jatqan múgedek ba­­la­­­larǵa kómek retinde qazaqstandyq «Dara» qaıyrymdylyq qoryna aýdardy. «Egemen-aqparat».