Almaty oblystyq ekonomıkalyq qylmysqa jáne sybaılas jemqorlyqqa qarsy kúres (qarjy polısııasy) departamenti baspasóz qyzmetiniń habarlaýynsha, 2014 jyldyń 28 naýryzynda qarjy polısııasy qyzmetkerleri Eskeldi aýdandyq qorǵanys bóliminiń bastyǵy Asan Qanaǵatovty para alý kezinde ustady. Áskerı komıssar Taldyqorǵan qalasy áskerı-tehnıkalyq mektebine qabyldaý sheshimine oraı zańsyz áreket etip N. atty azamattan 110 000 teńge para alý barysynda quryqtaldy. Asan Qanaǵatovqa qatysty para alý deregi boıynsha qylmystyq is qozǵalyp, 31 naýryzda Taldyqorǵan garnızony áskerı sotynyń bultartpaý sharasyna sáıkes shyǵarǵan sanksııasymen qamaýǵa alyndy.
27 naýryzda qarjy polısııasy qyzmetkerleri osy mekemeniń ókiletti tulǵasyna tergeý aldy tekserý materıaldary boıynsha «durys» sheshim shyǵarý úshin 30 000 AQSh dollary kóleminde para berý áreketinde qos kedenshini ustady. Almaty oblysy boıynsha kedendik baqylaý departamenti «Alataý-kedendik resimdeý ortalyǵy» keden beketiniń jetekshi mamandary, naqtylaı tússek, para usynýshylar Batyrhan Ábishev pen Baqyt Ordalıevke qatysty qylmystyq is qozǵalyp, olar sot sanksııasymen qamaýǵa alyndy.
Nurbol ÁLDIBAEV,
«Egemen Qazaqstan».
Almaty oblysy.