Soltústik Qazaqstan oblysynda Tımırıazev aýdanyndaǵy fermada mal óliminiń sebebi anyqtaldy, dep habarlaıdy Egemen.kz.
Veterınarııa basqarmasynyń basshysy Berik Áljanovtyń aıtýy boıynsha, Nur-Sultannyń Veterınarııa referenttik ortalyǵyna jiberilgen synamalardy zertteý nátıjesi ınfeksııalyq rınotraheıtti kórsetken.
«Fermerlik sharýashylyqtaǵy jaǵdaı turaqtandy. Qajetti em sharalary taǵaıyndaldy. Veterınarlyq-sanıtarııalyq qaǵıdalardyń talaptary boıynsha sharýashylyqqa shekteý qoıylady. Fermany dezınfeksııalaý, saý maldy vaksınasııalaý, aýrý maldy emdeý sharalary júrgiziledi. Shekteýler sońǵy aýrý janýar jazylǵannan keıin 30 kúnnen soń joıylady», dep naqtylady Berik Áljanov.
Onyń aıtýynsha, rınotraheıt bıýdjetten ótemaqy qarastyrylǵan mal aýrýlarynyń tizimine enbegen.
Eske sala ketsek, Tımırıazev aýdanyndaǵy fermada 15 bas mal qyrylyp, 80-ge jýyǵy aýyrýǵa shaldyqqan edi.