Almatyda mas adam turǵyn úıdiń birinshi qabatynda ornalasqan azyq-túlik dúkenine baryp, sol dúkenniń jumyskerin pyshaqpen qorqytyp, óz-ózine qol jumsamaq boldy, dep habarlaıdy Egemen.kz.
Polıseılerdiń habarlaýynsha, er adamnyń jaǵdaıy nashar bolǵan.
«Adamdardyń ómirine qaýip tóndirmes úshin patrýlder óte muqııat áreket etti: mas kúıde bolǵan er adamnyń nazaryn aýdaryp, onymen sabyrly túrde dıalog júrgizýge tyrysty. Bir sátte ınspektor qarýly adamdy ustap alyp, qolynan pyshaqty julyp aldy», dep málimdedi aýdandyq polısııa basqarmasynyń bastyǵy Dýman Aýhadıev.
Qalalyq PD málimetinshe, er adam alkogoldi shekten tys paıdalanǵan adam retinde profılaktıkalyq esepte tur. Ony medısınalyq kýálandyrýǵa alyp ketti. Oqıǵanyń mán-jaıy anyqtalýda.