Qarjy Vıse-mınıstri Tatıana Saveleva májiliste koronavırýspen kúreske úsh jyldyq bıýdjette qansha qarajat bólingenin aıtty, dep habarlaıdy Egemen.kz.
Tatıana Saveleva «2022-2024 jyldarǵa arnalǵan respýblıkalyq bıýdjet týraly» zań jobasyn usyndy.
«Medısınalyq qyzmetkerlerge epıdemııaǵa qarsy is-sharalarǵa qatysqany jáne densaýlyq saqtaý júıesi uıymdarynyń medısınalyq emes qyzmetkerleriniń jalaqysyn kótergeni úshin qosymsha aqy tóleýge 69 mlrd teńge kózdeledi. Jańa qosymsha tólemder boıynsha sheshim ótken jyldyń sońynda qabyldandy, sondyqtan bekitilgen bıýdjette osy maqsattarǵa qarajat qarastyrylmaǵan. Koronavırýspen kúres jónindegi is-sharalarǵa, onyń ishinde vaksına satyp alýǵa jumsalatyn shyǵyndar 77 mlrd teńge. Bul shyǵyndar bıýdjetke de kirmeıdi, óıtkeni jaǵdaı áli anyqtalǵan joq», dedi Qarjy vıse-mınıstri Tatıana Saveleva.
Keıin Májilis kýlýarynda Densaýlyq saqtaý mınıstrligi apparatynyń basshysy Batyrbek Ábdildın koronavırýsqa qarsy Pfizer vaksınasyn satyp alýǵa 20,6 mlrd teńge qarastyrylǵanyn aıtty.
«Eger meniń esimde bolsa, onda bul 20,6 mlrd teńge - vaksınanyń 2 komponentine, 2 mln adamǵa jetedi», dep qosty Tatıana Saveleva.