Álemdik QS World University Ranking by Subject reıtıngi boıynsha EUÝ qazaqstandyq JOO arasynda úsh pán boıynsha birinshi orynda, dep habarlaıdy Egemen.kz.
Elimizdiń keleshegin qalaıtyn kásibı bilikti kadrlardy tárbıeleý – asa jaýapty ári mańyzdy mindet. Bul rette memleket basshysy jańa ekonomıkany qalyptastyrý jolynda joǵary oqý oryndarynyń básekege qabilettigin arttyrý qajettigin qadap aıtty. Mamandardy daıarlaý sapasyn, ýnıversıtetterdiń tıimdiligin, bilim berý baǵdarlamalarynyń ózektiligin táýelsiz reıtıngter arqyly tarazylaýǵa bolady.
Jyl saıynǵy QS World University Rankings by Subject 2022 pándik reıtıngi jarııalandy. Álemdik ýnıversıtetterde oqytylatyn pánderdiń sapasyn brıtandyq Quacquarelli Symonds agenttigi baǵalady. Reıtıngke álemniń 1543 joǵary oqý orny qatysqan.
Álemdik reıtıngte elimizdiń joǵary oqý oryndary da bar. Máselen, bıyl L.N. Gýmılev atyndaǵy Eýrazııa ulttyq ýnıversıtetiniń QS pándik reıtıngisindegi pozısııalary keńeıdi jáne aıtarlyqtaı nyǵaıdy. EUÝ álemniń úzdik ýnıversıtetteriniń 11 pándik reıtıngisinen oryn alǵan. О́tken jyly bul kórsetkish 4-ke jetken.
Halyqaralyq reıtıng nátıjeleri boıynsha EUÝ qazaqstandyq JOO arasynda 3 pánnen kósh bastap keledi: «Qonaq úı bıznesi jáne bos ýaqytty basqarý», «Saıasat jáne halyqaralyq zertteýler», «О́ner jáne Dızaın».
Sonymen birge otandyq ýnıversıtettermen qatar EUÝ «Tarıh», «Lıngvıstıka», «Fızıka jáne Astronomııa», «Quqyqtaný» pánderi boıynsha da aldyńǵy qatarlardan oryn aldy.
Pándik reıtıngti ótkizý barysynda ýnıversıtettiń akademııalyq sarapshylar men jumys berýshiler arasyndaǵy bedeli, ǵalymdardyń ǵylymı zertteýlerinen dáıeksóz alý, jarııalanymdardyń Hırsh ındeksi baǵalanady.
Álemniń 200 úzdik pánderiniń tizimine Eýrazııa ulttyq ýnıversıtetiniń 6 páni kiredi: «Qonaq úı bıznesi jáne bos ýaqytty basqarý», «О́ner jáne Dızaın», «Tarıh», «Quqyqtaný», «Saıasat jáne halyqaralyq zertteýler», «Lıngvıstıka».
Álemniń úzdik JOO pándik reıtıngisinde L.N. Gýmılev atyndaǵy Eýrazııa ulttyq ýnıversıteti kóptegen kórsetkishter boıynsha ondaǵan satyǵa kóterilgen. «Qonaq úı bıznesi jáne bos ýaqytty basqarý»páni alǵashqy júzdikke kirse, «Lıngvıstıka» boıynsha 251-300 oryndaryna ıe álemdik ýnıversıtetter qatarynan 101-150 arasyndaǵy topqa endi.
Álemdik reıtıngtiń top-500 quramyna EUÝ-niń «О́ner jáne gýmanıtarlyq ǵylymdar», «Áleýmettik ǵylymdar jáne Menedjment» pándik oblystary, «Ekonomıka jáne Ekonometrıka», «Fızıka jáne Astronomııa», «Bıznes jáne Menedjment»pánderi kirdi.
Aıta ketken jón, bıylǵy jyly EUÝ-niń «Áleýmettik ǵylymdar jáne Menedjment» pándik oblysy alǵash ret QS pándik reıtıngisine kirdi.