IIM jyl basynan beri respýblıka aýmaǵynda Nur-Sultan, Almaty qalalarynda, Almaty, Aqtóbe jáne Shyǵys Qazaqstan oblystarynda 8 esirtki zerthanasyn joıdy, dep habarlaıdy Egemen.kz.
IIM Esirtki qylmysyna qarsy is-qımyl departamenti bastyǵynyń mindetin atqarýshy Asqar Muhametqalıevtiń aıtýynsha, esirtkige qarsy zańnamaǵa ózgerister engizilgeli sıntetıkalyq esirtkilerdiń jańa býynyn anyqtaý jandanǵan. Osylaısha esirtkiniń jańa túrleri aınalymyna baqylaý ornatý jeńildedi.
Polisia.kz-tiń habaraýynsha, osy túzetýler qabyldanǵan sátten bastap baqylaýdaǵy tizimderge osyndaı 115 zat engizildi. Zańnamaǵa túzetýler qabyldanǵan sátten bastap (2019 j.) ishki ister organdary 182 keli sıntetıka tárkilep, 35 esirtki zerthanasyn joıdy.
2022 jyly respýblıka boıynsha Nur-Sultan, Almaty qalalarynda, Almaty, Aqtóbe jáne Shyǵys Qazaqstan oblystarynda 8 esirtki zerthanasy joıyldy.
Qoldanýǵa daıyn 33 keliden astam esirtki, onyń ishinde 14 keliden astam sıntetıkalyq esirtki, 19 keli qarasora jáne 165 lıtr prekýrsor – esirtki óndirýge qajetti zattar tárkilendi.
Zerthanalar uıymdastyrǵany úshin 16 adam ustaldy. Osylaısha tek Nur-Sultanda jyl basynan beri úsh jasyryn esirtki óndirisi joıyldy.