Memlekettik qyzmet isteri agenttiginiń buıryǵymen Ǵalym Tursynbaev agenttiktiń Qyzylorda oblysy boıynsha departament basshysy, ádep jónindegi keńes tóraǵasy laýazymyna taǵaıyndaldy, dep habarlaıdy Egemen.kz.
Ǵalym Sultanuly 1970 jyly Ońtústik Qazaqstan oblysynda dúnıege kelgen.
Qazaq Hımııa-tehnologııa ınstıtýtyn «ınjener-qurylysshy - tehnolog» mamandyǵy boıynsha, QR Prezıdenti janyndaǵy Memlekettik basqarýdyń ulttyq joǵarǵy mektebin «memlekettik basqarý» mamandyǵy boıynsha, Shyǵys Qazaqstan memlekettik ýnıversıtetin «zańger» mamandyǵy boıynsha bitirgen.
Memlekettik qyzmettegi jalpy eńbek ótili - 26 jyl. Onyń ishinde memlekettik qyzmet isteri agenttigi salasynda - 18 jylǵa jýyq qyzmet etip keledi.
Ǵalym Tursynbaev osy kezge deıin agenttiktiń Batys Qazaqstan oblysyndaǵy departament basshysy qyzmetin atqardy.
«Qurmet» ordeniniń ıegeri, birqatar merekelik medaldarmen jáne tósbelgilerimen marapattalǵan.