Almaty qalalyq PD basshysy halyq aldyndaǵy esep berý kezdesýinde ınternet jelisindegi alaıaqtyq derekteriniń eki esege artqanyna nazar aýdardy, dep habarlaıdy Egemen.kz.
Taımerdenovtyń aıtýynsha, qylmyskerler uıaly telefonyńyzǵa qońyraý shalyp, ózin polısııa qyzmetkeri retinde tanystyrady, sodan keıin ózderiniń qazirgi ýaqytta QR Ulttyq bankimen birlesip jumys júrgizip jatqandaryn aıtyp, Ulttyq bank qyzmetkerimen baılanysqa kóshý úshin jelide bolýdy suraıdy.
Ári qaraı, telefonnyń arǵy jaǵyndaǵy daýys sizdiń kartańyz boıynsha ruqsatsyz aqsha aýdarymy áreketteri júrip jatqanyn jáne aqshańyzdy únemdeý úshin belgili bir somany banktik shotyńyzǵa nemese úshinshi tulǵalardyń shotyna salý kerektigin aıtady.
«Nazar aýdaryńyz! Saq bolyńyz! Esińizde bolsyn, bank qyzmetkerleri eshqashan sizdiń kartańyzdyń derekterin suramaıdy, sondaı-aq uıaly telefonyńyzǵa keletin kodtardy berýdi talap etpeıdi», dep málimdedi Almaty qalasy PD bastyǵy Qanat Taımerdenov
Mundaı jaǵdaılarda telefonmen sóılesýdi kilt toqtatyp, bank kartasynda nemese bank saıtynda kórsetilgen senimdi nómirge qońyraý shalýyńyz kerek.
О́zińizdiń banktik kartańyzdyń derekterin, sondaı-aq ózińizdiń jeke derekterińizdi eshkimge jáne eshqandaı jaǵdaıda bermeńiz.