Sınoptıkter 12-14 sáýirge arnalǵan aýa raıy boljamyn usyndy. Elimizdiń basym bóliginde jańbyr jaýady, dep habarlaıdy Egemen.kz.
«Ońtústik jartysynda qatty jańbyr jaýyp, naızaǵaı men ekpindi jel kútiledi. Respýblıkanyń soltústik-shyǵysynda ǵana jaýyn-shashynsyz aýa raıy boljanady», delingen «Qazgıdromet» RMK habarlamasynda.
Sondaı-aq, eldiń batysy men ońtústiginde shańdy daýyl bolady.
«Kúndiz Qazaqstannyń batysynda aýa temperatýrasynyń aýytqýy 10-18-den 18-26-ǵa deıin, soltústik, shyǵys jáne ortalyq óńirlerde 10-17-den 15-26-ǵa deıin, al respýblıkanyń ońtústik jartysynda termometrler 22-32-ge deıin kóteriledi», dep qosty mamandar.