Eýropalyq komıssııa 21 reseılik avıakompanııany qara tizimge qosty. Atalǵan tizimdegi avıakompanııalar Eýropanyń 27 elinde qyzmetin toqtatýǵa májbúr, dep habarlaıdy Egemen.kz.
Eýropalyq komıssııa jarııalaǵan habarlamada bul sheshim avıakompanııalardyń halyqaralyq qaýipsizdik standarttaryna sáıkes kelmeýine baılanysty qabyldanǵany aıtylǵan.
«Reseıdiń Federaldy áýe kóligi agenttigi reseılik avıakompanııalarǵa sheteldikterge tıesili júzdegen ushaqtardy tıisti kýáliksiz ushyrǵan. Iаǵnı, reseılik avıakompanııalar halyqaralyq qaýipsizdik standarttaryn ádeıi buzǵan. Bul qaýipsizdikke tikeleı qaýip tóndiredi», dedi Kólik komıssary Adına Valean.
Onyń aıtýynsha, Eýropa aýmaǵynda ushýǵa tyıym salý týraly sheshim Máskeýge Ýkraınaǵa basyp kirgeni úshin qoldanǵan taǵy bir sanksııa emes, tek tehnıkalyq jáne qaýipsizdik turǵysynan qabyldanǵan shara.