Mobıldi qoǵamdyq qabyldaýlar – shalǵaı aýyldarda

Partııanyń kezekten tys HHII sezinde Prezıdent partııa jumysyn qaıta jandandyrýdy tapsyryp, partııanyń qoǵamdyq qabyldaý bólmeleri shaǵymdarmen ǵana emes, eldi damytý boıynsha naqty ıdeıalarmen keletin azamattar úshin tartymdy orynǵa aınalýy kerek ekenin aıtqan bolatyn.

Amanat partııasy Respýb­lıkalyq qoǵamdyq qabyldaý bólmesi meńgerýshisiniń orynbasary Azamat Birjanov kóshpeli mobıldi toptardyń basty mindeti – turǵyndardyń túıindi máselelerdi alǵa tartyp kelýin kútý emes, olarǵa ózderi barý ekenin atap ótti. «Shalǵaı aýyldardyń turǵyndary oblys ortalyǵyna jetý úshin 300 shaqyrym júrý qajet. Al joldyń nasharlyǵynan qarttar men kóligi joq adam­darǵa dittegen jerine jetý tipten qıyn. Sondyqtan alda­ǵy ýaqytta mundaı qabyl­daýlar Qazaqstannyń barlyq óńirinde bolady», dedi ol.

Qabyldaýlar kezinde Túrkistan oblysyna qarasty Jeńis aýylynyń turǵyny Áýes­kúl Úzdeýbaı aýyldyq emhana janynan dárihana ashýǵa kó­mek surasa, jergilikti ardagerler keńesiniń tóraǵasy As­qar Jańabekuly aýylǵa gaz qubyryn tartý máselesin kó­terdi. Al Jeńis aýylynyń turǵyny Ádilbek Usmanov sý tapshylyǵy men onyń qym­battyǵyna nazar aýdardy.

«R-6 kanaly» 1967 jyly salynǵan. Buryn sý syıym­dylyǵy sekýndyna 2 000 tekshe metr bolsa, qazir 1 400-ge azaıǵan. Aryqtyń boıynda júzden astam sharýaqojalyǵy bar. Jańa jaıylym jerlerge sý jetkizý qıyn. Sonymen qatar myń tekshe metr úshin tarıf – 800 teńge, bul óte qymbat. Barlyq sý arnalaryna kúrdeli jóndeý qajet. Al sapaly jóndeý jumystaryn júrgizý úshin arnaıy mamandar men jergilikti turǵyndardan baqylaý komıssııasy bolýy qajet», dedi aýyl turǵyny.

Amanattyqtar Túrkistan oblysyna qarasty Jeńis, Aqtóbe, Temir, Qaraqońyr já­ne Qoǵam sııaqty barlyǵy 5 aýylǵa baryp, turǵyndardy maza­laǵan fermerlik sharýashy­lyqty sýbsıdııalaý, mektep pen balabaqsha salý, jer telim­derin bólý sekildi ózekti máselelerdi talqylady.

Sapar aıasynda Amanat mobıldi brıgadalary Sol­tústik Qazaqstan oblysyn­da­ǵy shalǵaı eldi meken­derdiń tur­ǵyndaryn qabyl­dady. Partııa músheleri Kel­lerovka, Imantaý, Iаsnaıa Polıana, Dalmatovo, Qııaly aýyldarynda boldy.

Qabyldaýlar kezinde Kel­lerovka aýylynyń turǵyndary azyq-túlik baǵasyn rettep, dene­shynyqtyrý-saýyqtyrý ke­shenin salý múmkindigin qaras­tyrýdy jáne kóshege jaryq ornatýdy surady. Aýyl hal­qynyń sý júıeleri jumy­syna qatysty da shaǵymdary kóp. Mobıldi qoǵamdyq qa­byl­daý bólmesi músheleriniń aı­týynsha, dál osy másele árbir aýdanda kóterilgen. Al Kel­le­rovkada ortalyq sýmen jab­dyq­taý múlde bolmaǵan, tur­ǵyn­dar áli kúnge deıin sýdy arnaıy pýnktterden satyp alýǵa májbúr.

«Kellerovkada 2,5 myń adam turady jáne XXI ǵasyrda sýǵa qatysty osyndaı problemalardyń bolýy, árıne, óte qolaısyz. Biz bul máseleni Ekologııa mınıstrliginde de kóteremiz», dep atap ótti par­tııanyń Respýblıkalyq qoǵam­dyq qabyldaý bólmesiniń meń­gerýshisi Álııa Sadyrbaeva.

Buǵan deıin mobıldi qoǵam­dyq qabyldaýlar Aqmola, Qaraǵandy, Qyzylorda jáne Pavlodar oblystaryna barǵan bolatyn. Shalǵaıdaǵy 147 aýyl­dyń 1 500-den astam tur­ǵy­­ny ózekti máselelerin kóte­rýge múmkindik aldy. Onyń ishinde sý jáne gazben jabdyq­taý, joldardy jóndeý, jaıylymdar men shabyndyq jerler berý, ınternetke qolje­tim­dilikti qamtamasyz etý sekildi mańyzdy máseleler bar.

Esterińizge sala keteıik, par­tııanyń qoǵamdyq qabyldaý bólmelerine jyl basynan beri 40 myńnan asa adam júgingen. Turǵyndardy negizinen áleý­mettik qamsyzdandyrý (32%), turǵyn úı-kommýnaldyq sharýa­shylyq (14%), turǵyn úımen qamtamasyz etý jáne jer ýchaskelerin bólý (11%) tol­ǵan­dyrady. Memlekettik organ­­dar­dyń basshylary men túrli deńgeıdegi depýtattar 8 myń­nan astam qabyldaý ótkizip, 22 myń adamdy qabyldady.

Sonymen birge partııanyń respýb­lıkalyq qoǵamdyq qa­byldaý bólme­siniń bazasynda otbasy, áıelder jáne ba­la­lardyń quqyqtaryn qorǵaý, son­daı-aq turmystyq zorlyq-zom­by­lyqqa qarsy is-qımyl máse­leleri boıynsha «111 shu­ǵyl qyzmeti» arnaıy baılanys ortalyǵy jumys isteıdi.