Muǵalim bolyp jumysqa ornalaspaq bolǵan qyzylordalyq 850 myń teńgesinen aıyryldy, dep habarlaıdy Egemen.kz Polisia.kz-ke silteme jasap.
11 sáýir kúni alaıaqtyń qurbany bolǵan jergilikti turǵyn Qyzylorda qalalyq polısııa basqarmasynyń kezekshi bólimine kelip aryzdanǵan. Azamatsha óziniń aryzynda alaıaqqa aldanǵanyn aıtqan.
Alaıaq azamat ótken jyldyń tamyz aıynda muǵalimdikke jumysqa ornalastyryp beremin dep ýáde bergen. Sóıtip jábirlenýshiden 850 myń teńge aqsha alǵan. Biraq kóp uzamaı aqshany aldap alǵan azamat telefon qońyraýlaryna jaýap bermeı, búgingi kúnge deıin ýáde etilgen jumysqa ornalasý máselesiniń sheshimin tappaǵan.
Sonymen jábirlenýshi áıel polısııaǵa aryzdanýǵa májbúr boldy.
Polısııa qyzmetkerlerimen júrgizilgen jedel-izdestirý sharalarynyń nátıjesinde, oblys ortalyǵynyń turǵyny ustaldy.
Atalǵan derek boıynsha Qylmystyq kodekstiń 190-babynyń 1-bóligi boıynsha (Alaıaqtyq) sotqa deıingi tergep-tekserý áreketteri júrgizilýde. Kúdiktige qatysty eshqaıda ketpeý jáne tıisti minez-qulyq týraly qolhat túrinde bultartpaý sharasy tańdaldy.
Polıseıler oqıǵanyń mán-jaıyn anyqtap jatyr.