Túrkistan oblysynda áriptesiniń atynan mln teńge nesıe rásimdep alǵan áıel ustaldy, dep habarlaıdy Egemen.kz IIM aqparattyq portalyna silteme jasap.
Jábirlenýshi óziniń atynan nesıe rásimdelgenin bankten habar kelgende ǵana bilgen.
«Atalǵan jaıtty sozaqtyq polıseıler QR QK-niń 190-baby (Alaıaqtyq) boıynsha tirkedi. Aryzdanýshynyń shaǵymyna sáıkes, oryn alǵan alaıaqtyq qylmysyn ashyp, kúdiktini anyqtaý maqsatynda Sozaq APB polıseıleri qajetti is-sharalardy júrgizdi. Tekserý jumystary nátıjesinde, polıseıler osy qylmysqa qatysty kúdiktini anyqtap, ony turǵylyqty mekenjaıynan ustady. Alaıaqtyq jasaǵan jas áıel jergilikti turǵyn jáne jábirlenýshiniń jumystaǵy áriptesi bolyp shyqty», dep jazylǵan aqparat kózinde.
Kúdikti jábirlenýshiniń telefonyn qońyraý shalý úshin surap alyp, bank qosymshasyna kirip, nesıe rásimdegeni belgili bolǵan. Sodan alaıaq turǵynnyń esepshotyna túsken aqshany ózine aýdaryp, qomaqty qarajatty óz paıdasyna jumsap jibergen.
«Qazirgi tańda sotqa deıingi tergeý amaldary júrgizilip, kúdiktiniń basqa da osyndaı alaıaqtyq qylmysyna qatysy bar-joǵy anyqtalýda», deıdi polısııadan.