Eýropanyń tórt prezıdenti Ýkraına astanasyna barady, dep habarlaıdy Egemen.kz tengrinews.kz saıtyna silteme jasap.
Lıtva prezıdenti Gıtanas Naýseda, Polsha prezıdenti Andjeı Dýda, Estonııa prezıdenti Alar Karıs jáne Latvııa prezıdenti Egıls Levıts Ýkraın basshysy Vladımır Zelenskıımen kezdesý úshin Kıevke barady.
«Biz Kıevke saıası qoldaý kórsetýge jáne áskerı kómek týraly jaqsy habarlama alyp baramyz. Lıtva Ýkraınanyń egemendigi men bostandyǵy úshin kúresin qoldaıdy», dep jazdy G. Naýseda Twitter-de.
Sondaı-aq Polsha prezıdent ákimshiligi Ýkraına astanasynda tórt memleket basshylary Zelenskıımen kezdesetinin rastady.
«Bizdiń maqsatymyz - prezıdent Zelenskııdi jáne Ýkraınanyń qorǵaýshylaryn osy el úshin sheshýshi sátte qoldaý. Baltyq elderi óńirdegi qaýipsizdik máselelerindegi bizdiń negizgi áriptesterimiz. Biz Kıevke birge baramyz dep sheshtik. Polsha sapardyń uıymdastyrýshysy jáne Ýkraınamen birge onyń logıstıkasy men qaýipsizdigin qamtamasyz etedi», dedi Halyqaralyq saıasat bıýrosynyń basshysy Iаkýb Kýmoch.