Qazaqstandyq boksshy Sultan Záýirbek (12-0, 8 KO) maltalyq Haıtem Lamýzben (17-1, 7 KO) judyryqtasady. Bul Záýirbek úshin tarıhı jekpe-jek bolady, dep habarlaıdy Egemen.kz Prosports.kz portalyna silteme jasap.
Záýirbek Ulybrıtanııa aýmaǵynda alǵash ret tıtýldy jekpe-jek ótkizedi. 25 jastaǵy boksshy Ulybrıtanııada bes ret jekpe-jekke shyqqan edi. Ol karerasyndaǵy úsh tıtýldy jekpe-jekti Almatyda ótkizgen bolatyn.
Londondaǵy kezdesý 15 sáýirde ótedi, boksshylar ekinshi jartylaı jeńil salmaqtaǵy WBO European chempıony tıtýlyn sarapqa salady.
Eske salsaq, Sultan Záýirbek keıingi ret rıngke byltyr jeltoqsanda shyǵyp, ulybrıtanııalyq Raıan Ýılerdi (16-2-1, 0 KO) altynshy raýndta nokaýtqa túsirgen bolatyn.