«Kıik» keń aýqymdy tabıǵatty qorǵaý aksııasy 15 sáýir men 15 mamyr aralyǵynda ótkiziledi.
Elimizdiń 12 oblysynda júrgiziletin shara Ekologııa, geologııa jáne tabıǵı resýrstar mınıstrligi, Ishki ister mınıstrligi jáne Ulttyq qaýipsizdik komıtetiniń birlesken buıryǵy negizinde uıymdastyrylady.
Qyzylordadaǵy óńirlik kommýnıkasııalar qyzmetinde ótken baspasóz konferensııasynda «Ohotzooprom О́B» RMQK óńirlik fılıaly basshysy Berik Jorabekov aksııa aıasynda atqarylar jumystarǵa toqtaldy.
– Elimizde bul janýardy 2023 jylǵa deıin aýlaýǵa, etin paıdalanýǵa tyıym salynǵan. Bıyl jyldaǵydaı oblystyń soltústik-shyǵys betkeıindegi Qaraqumdy Betpaqdaladan aýǵan 30 myńǵa jýyq kıik qystap shyqty. Aksııa sheńberinde quqyq qorǵaý organdarymen birlesip Qyzylorda – Aqtóbe, Qyzylorda – Jezqazǵan jáne Qyzylorda – Túrkistan baǵytyndaǵy joldarda mobıldik toptar jumys isteıdi, – dedi ol.
Qyzylorda oblysy