2014 jylǵy 2 sáýir Astana, Úkimet Úıi
Qazaqstan Respýblıkasy Qarjy mınıstrliginiń memlekettik satyp alý komıtetin qurý týraly jáne «Qazaqstan Respýblıkasy Qarjy mınıstrliginiń keıbir máseleleri týraly» Qazaqstan Respýblıkasy Úkimetiniń 2008 jylǵy 24 sáýirdegi № 387 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. Qazaqstan Respýblıkasy Qarjy mınıstrliginiń Memlekettik satyp alý komıteti (budan ári – Komıtet) qurylsyn.
2. Komıtet memlekettik satyp alýdyń biryńǵaı uıymdastyrýshysy bolyp belgilensin.
3. «Qazaqstan Respýblıkasy Qarjy mınıstrliginiń keıbir máseleleri týraly» Qazaqstan Respýblıkasy Úkimetiniń 2008 jylǵy 24 sáýirdegi № 387 qaýlysyna (Qazaqstan Respýblıkasynyń PÚAJ-y, 2008 j., № 22, 205-qujat) mynadaı ózgerister men tolyqtyrýlar engizilsin:
kórsetilgen qaýlymen bekitilgen Qazaqstan Respýblıkasy Qarjy mınıstrligi týraly erejede:
2-tarmaq mynadaı mazmundaǵy 8) tarmaqshamen tolyqtyrylsyn:
«8) Qazaqstan Respýblıkasy Qarjy mınıstrliginiń Memlekettik satyp alý komıteti.»;
«Qazaqstan Respýblıkasy Qarjy mınıstrliginiń mıssııasy, negizgi mindetteri, fýnksııalary, quqyqtary men mindetteri» degen 2-bólimde:
14-tarmaq mynadaı redaksııada jazylsyn:
«14. Qazaqstan Respýblıkasy Qarjy mınıstrliginiń mıssııasy:
bıýdjetti atqarý, býhgalterlik esep pen qarjylyq eseptilikti, respýblıkalyq bıýdjettiń jáne óz quzyreti sheginde jergilikti bıýdjetterdiń, Qazaqstan Respýblıkasy Ulttyq qorynyń atqarylýy boıynsha bıýdjettik esepke alý men bıýdjettik eseptilikti júrgizý salasynda, memlekettik satyp alý salasynda, respýblıkalyq múlikti basqarý aıasynda basshylyq etý jáne salaaralyq úılestirý; bankrottyq (bankterdi, saqtandyrý (qaıta saqtandyrý) uıymdaryn jáne jınaqtaýshy zeınetaqy qorlaryn qospaǵanda), zańsyz jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl jasaý, Qazaqstan Respýblıkasynyń Úkimeti aıqyndaıtyn bıýdjettik baǵdarlamalar ne taýarlar, jumystar, kórsetiletin qyzmetter boıynsha biryńǵaı memlekettik satyp alýdy uıymdastyrý jáne ótkizý, salyq saıasatyn jáne keden isi salasyndaǵy saıasatty qalyptastyrý jáne iske asyrý salasynda memlekettik retteý.»;
16-tarmaqta:
ortalyq apparattyń fýnksııalarynda:
45), 47) jáne 48) tarmaqshalar mynadaı redaksııada jazylsyn:
«45) Qazaqstan Respýblıkasynyń ındýstrııalyq-ınnovasııalyq qyzmetti memlekettik qoldaý týraly zańnamasynda kózdelgen memlekettik satyp alý veb-portalymen ıntegrasııalanǵan taýarlardyń, jumystardyń, kórsetiletin qyzmetterdiń jáne olardy jetkizýshilerdiń derekter bazasyna engizilgen otandyq taýar óndirýshilerden satyp alý týraly aqparatty eskere otyryp, eseptilikti jınaý, jınaqtaý jáne taldaý tártibin aıqyndaý;»;
47) memlekettik satyp alýdyń veb-portaly jumysynyń tehnıkalyq isten shyǵýy týyndaǵan jaǵdaıda, memlekettik satyp alýdyń veb-portaly jumysynyń tártibin belgileý;
48) memlekettik satyp alý veb-portalyn paıdalaný tártibin belgileý;»;
vedomstvolarynyń fýnksııalaryna:
118) tarmaqsha mynadaı redaksııada jazylsyn:
«118) myna:
baqylaý nátıjeleri boıynsha buzýshylyqtar anyqtalǵan somany bıýdjetke óteýdi qamtamasyz etý maqsatynda;
«Memlekttik satyp alý týraly» Qazaqstan Respýblıkasynyń Zańynda kózdelgen jaǵdaılarda, áleýetti ónim berýshilerdi memlekettik satyp alýdyń josyqsyz qatysýshylary dep taný týraly;
mindettemelerdi tolyq kólemde jáne tıisinshe túrde oryndalǵan memlekettik satyp alý týraly sharttardy qospaǵanda, Qazaqstan Respýblıkasynyń memlekettik satyp alý týraly zańnamasyn buza otyryp jasalǵan, kúshine engen memlekettik satyp alý týraly sharttardy jaramsyz dep taný týraly talap-aryzdardy sotqa jiberý;»;
mynadaı mazmundaǵy 235-1), 235-2) jáne 235-3) tarmaqshalarmen tolyqtyrylsyn:
«235-1) Qazaqstan Respýblıkasynyń Úkimeti aıqyndaıtyn bıýdjettik baǵdarlamalar ne taýarlar, jumystar, kórsetiletin qyzmetter boıynsha biryńǵaı memlekettik satyp alýdy uıymdastyrý jáne ótkizý;
235-2) «Memlekettik satyp alý týraly» Qazaqstan Respýblıkasy Zańynyń 7-1-babyna sáıkes:
tapsyrys berýshi elektrondyq memlekettik satyp alýdy júrgizý qaǵıdalarynda belgilengen qujattardy qamtıtyn memlekettik satyp alýdy uıymdastyrýǵa jáne ótkizýge arnalǵan tapsyrmany qaraý;
tapsyrys berýshi usynǵan tapsyrma negizinde konkýrstyq nemese aýksıondyq qujattamany ázirleý jáne bekitý;
tapsyrys berýshiniń ókili kiretin konkýrstyq ne aýksıondyq komıssııanyń quramyn belgileý jáne bekitý;
konkýrstyq nemese aýksıondyq qujattamaǵa ózgerister jáne (nemese) tolyqtyrýlar engizý;
memlekettik satyp alýdy ótkizý týraly habarlandyrýdy ornalastyrý;
memlekettik satyp alý týraly sharttyń jobasyna konkýrstyq nemese aýsıondyq qujattamany jáne (nemese) konkýrstyq nemese aýksıondyq qujattamanyń tehnıkalyq ereksheligin alǵan adamdardy tirkeý jýrnalyna ózderi týraly málimetter engizilgen, memlekettik satyp alý veb-portalynda avtomatty túrde tirkelgen adamdar tarapynan usynystar men eskertýlerdi tapsyrys berýshige jiberý;
konkýrs nemese aýksıon tásilimen memlekettik satyp alý jeńimpazyn anyqtaý;
235-3) «Memlekettik satyp alý týraly» Qazaqstan Respýblıkasy Zańynyń 20-babyna sáıkes konkýrstyq qujattamanyń erejelerin túsindirý;».
4. Qazaqstan Respýblıkasy Qarjy mınıstrligi Qazaqstan Respýblıkasynyń zańnamasynda belgilengen tártippen osy qaýlyny iske asyrý jóninde sharalar qabyldasyn.
5. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.