Shyǵys Qazaqstan oblysy Besqaraǵaı aýdanynda 48 gektarǵa jaıylǵan iri órt aýyzdyqtaldy, dep habarlaıdy Egemen.kz.
ShQO tótenshe jaǵdaılar departamenti baspasóz qyzmetiniń málimetine súıensek, sońǵy táýlik ishinde óńir boıynsha 5 órt shyqqan.
Semeıdegi Svıazıstov kentinde ornalasqan saıajaı otqa orandy. Jalpy aýdany 35 sharshy metrdi quraǵan jalyn kireberisti, tereze, esik bloktary men shatyrdy sharpyǵan.
«Besqaraǵaı aýdanynda 48 gektar alańda shóp órtendi. Tilsiz jaý sol mańdaǵy sharýa qojalyǵynyń ǵımarattary men 70 tonna pishenge jaıylyp ketken. О́rttiń shyǵýyna – otty abaısyz qoldaný sebep bolýy múmkin», delingen aqparatta.
Aıagóz qalasy Dúısenbaev kóshesindegi jeke turǵyn úıdiń aýlasynda balalar qýraǵan aǵashty órtegen.
Lezde jan-jaqqa taraǵan jalynnyń aýmaǵy 35 sharshy metrge jetip, sol mańda salynyp jatqan úıge qaýip tóndi.
Qutqarýshylar jedel kómekke kelip, órtti sóndirdi.
«О́skemende Zaısan kóshesindegi jer úıde órt boldy. Tilsiz jaýdyń jalpy aýdany 100 sharshy metrdi quraǵan. О́rt sóndirýshiler úıden 4 gaz ballonyn shyǵaryp úlgerdi», delingen habarlamada.
Sondaı-aq Shemonaıha aýdanynda jer úı men sharýashylyq qora-jaı órtengen.