Ujymdyq qaýipsizdik týraly shart uıymyna múshe elder ókilderi áskerı qaýipsizdik máselelerin ortaǵa saldy. Kezdesý beınekonferensııa formatynda ótti, dep habarlaıdy Egemen.kz.
Keńes barysynda uıymnyń jaýapkershilik aımaǵyndaǵy áskerı qaýipsizdik máseleleri men daǵdarysqa den qoıý tetikterin jetildirý jáne UQShU-ǵa múshe memleketter qarýly kúshteri avıasııasynyń halyqaralyq ushýlaryn uıymdastyrý máseleleri talqylandy.
Otyrysqa Qazaqstan, Armenııa, Belarýs, Qyrǵyzstan, Reseı, Tájikstan Qarýly kúshteri bas shtabtarynyń bastyqtary, UQShU Birikken shtabynyń bastyǵy, sondaı-aq uıymǵa múshe memleketter qorǵanys vedomstvolarynyń ókilderi qatysty. Qazaqstan Respýblıkasynyń Qarýly kúshterinen Qorǵanys mınıstriniń birinshi orynbasary – Bas shtab bastyǵy general-leıtenant Marat Qusaıynov qatysty.
Keńes qorytyndysy boıynsha, taraptar 2022 jyly UQShU Ujymdyq qaýipsizdik júıesiniń basqarý organdaryn, kúshteri men quraldaryn birlesip daıarlaý is-sharalaryn ótkizý josparyn maquldady.