Fınal Malagada ótedi

Atalǵan jarystyń toptyq básekeleri 14-18 qyrkúıek kúnderi Italııanyń Bolonıasy, Shotlandııanyń Glazgosy jáne Germanııanyń Gambýrginde uıymdastyrylady. Osy týrnır­di qabyldaıtyn taǵy bir qala osy aıdyń sońynda anyqtalady. Al fınal­dyq saıys­tar 21-27 qarasha kúnderi Ispa­nııanyń Malagasynda ótedi. Bıylǵy maýsymda Devıs kýbogyn ıelený úshin 16 komanda kortqa shyǵady. Olar – Horvatııa, Serbııa, Ulybrıtanııa, Kanada, Argentına, Aýstralııa, Belgııa, Fransııa, Germanııa, Italııa, Ońtústik Koreıa, Nıderland, Ispanııa, AQSh, Shvesııa jáne Qazaqstan quramalary.

Esterińizge sala keteıik, byltyr Mala­gada ótken týrnırdiń aqtyq synynda Re­seı men Horvatııa quramalary kezdesip, al­ǵashqylary jeńiske jetken edi. Biraq Ýkraı­nadaǵy jaǵdaıǵa baılanysty reseılik tennısshiler bıylǵy dodadan shettetildi.