Eki kún buryn joǵalǵan 26 jastaǵy sazger aman-esen tabyldy, dep habarlaıdy Egemen.kz oblystyq Polısııa departamentiniń baspasóz qyzmetine silteme jasap.
Ony izdeýge Jarqaıyń aýdandyq polısııa bóliminiń jeke quramy men jergilikti volonterler jumyldyryldy. Er adamdy búgin tańerteń jol boıynda ketip bara jatqan júrgizýshi kórip, óziniń tanystaryna aıtqan.
«Aldyn ala aqparat boıynsha, joǵalǵan er adam eki túndi kóshede ótkizgen. Oǵan qatysty zańsyz áreketter bolǵan joq. Qazirgi ýaqytta ol úıine jetkizildi», dedi vedomstvo ókilderi.