Taýar tasymalyndaǵy tıimdi tetik

Bul týraly Grýzııada ótken Black and Caspian Sea Ports & Shipping konferensııasynda QazTrade saýda saıasatyn damytý ortalyǵynyń bas dırektory Azamat Asqaruly aıtty. Konferensııa «Transkaspıı halyqaralyq kólik baǵdary» ha­lyq­aralyq qaýymdastyǵynyń qoldaýymen Kaspıı óńiriniń kó­lik-kommýnıkasııa kesheni men Trans­kaspıı halyqaralyq kólik baǵ­darynyń (THKB nemese Middle Corridor) áleýetin damytý perspektıvalaryna arnaldy.

22 eldiń kólik jáne logıstıka salasyndaǵy halyqaralyq já­ne óńirlik uıymdary, sondaı-aq Transkaspıı halyqaralyq kólik baǵdarynyń qatysýshylary ja­han­dyq jáne óńirlik saýda men ın­vestısııalardyń ózekti máse­le­l­e­­­rin talqylady. Aıtalyq, temir jol kóligi men júk tasymalyn damy­tý, kóliktiń turaqtylyǵyn nyǵaıtyp, qaýipsizdikti qamtamasyz etý, Transkaspıı halyqaralyq kólik baǵdaryn (THKB) kúsheıtýdegi jańa tásilder, sondaı-aq júk tasymaldaryn konteınerlep kólik ınfraqurylymyna qajetti sıfr­ly tehnologııalar salasyndaǵy máseleler qamtyldy.

«Kaspıı óńiri Qazaqstan úshin jal­­ǵyz teńiz qaqpasy sana­la­dy. Ne­ge deseńiz, taýar aǵyndaryn qa­­­­lyp­­­tastyrýda atalǵan aımaq mańyz­­­dy ról atqaryp, taýar óndirý­shi­ler­­di iri teńiz saýda je­li­­­­le­rine shy­ǵa­rý­dy qam­tamasyz etedi», dedi A.Asqaruly.

Qazirgi geosaıası jaǵdaıda Trans­­­­kaspıı halyqaralyq kólik baǵ­darynyń qatysýshylary úshin tranzıttik dálizder men kó­lik ınfra­qurylymyn damytýda múm­kindikter ashylady. Bıyl 1-toqsanda metall ónimderi atalǵan kólik dálizinde jańa taýarǵa aınalyp, taıaý arada osy baǵyt arqyly astyq, un, mys jetkizý týraly kelissózder júrgizilmek.

QazTrade basshysy aıtqandaı, Kaspıı baǵytyndaǵy kólik qatyna­syn jandandyrý – jahandyq oıyn­shylardy, onyń ishinde álemdik kó­lik kompanııalaryn tartýǵa, ke­den­dik ákimshilendirýdiń elektron­dy júıesin ıntegrasııalaýǵa, son­daı-aq Qara teńiz porttarynyń ınfra­qury­lymyna shyǵýǵa jaǵym­dy áser etedi.

«Transkaspıı halyqaralyq kólik baǵdary boıynsha porttardyń múmkindikteri, mysaly Batýmı porty qazir júkti aýystyryp tıeý kólemin ulǵaıtýǵa múmkindik berip otyr. Qazaqstannan eýropalyq baǵytta, sol sekildi keri qaraı taýarlardy jetkizý tizbegin aıtarlyqtaı ońtaılandyrý qajet.

Qazaqstan úshin Qara teńizdiń porttary álemdik naryqtarǵa shy­­ǵ­ý­­ǵa jol ashatyn, sondaı-aq Trans­­kaspıı halyqaralyq kólik baǵ­daryn qarqyndy paıdalanýǵa múmkindik beretin ıntensıfıkasııa­sy tıimdi saýda tetigi sanalady. Dástúrli logıstıkalyq dálizderdi paıdalanýdyń kúrdeli jaǵdaıynda Transkaspıı baǵyty otandyq ta­ýarlardy Eýropa elderine jetkizýde qysqa ári ekonomıkalyq tıimdi jol. Bul Qazaqstandy jahandyq ón­diristik tizbekterge qosylýǵa baı­lanysty jumysty toqtatpaı jáne halyqaralyq ónerkásiptik kooperasııa jónindegi jobalardy jal­ǵastyrýǵa múmkindik beredi. Bul min­detti Úkimet aldyna Memleket bas­shysy da qoıdy», dedi Saýda saıa­satyn damytý ortalyǵynyń bas dırektory.

Forým barysynda qatysýshylar Potı jáne Batýmı teńiz porttaryna baryp, olardyń óndiristik kórsetkishteri men damytý josparlaryna qanyqty.