Estonııa astanasy – Tallınde ótip jatqan mánerlep syrǵanaýdan jastar arasyndaǵy álem chempıonatynda qazaqstandyq sportshy Mıhaıl Shaıdarov joǵary nátıjege qol jetkizip, jahandyq dodanyń kúmis júldesin jeńip aldy.
Muny Qazaqstan mánerlep syrǵanaý tarıhyndaǵy iri jetistiktiń biri dep aıtýǵa tolyq negiz bar. О́ıtkeni buǵan deıingi jastar arasyndaǵy álem birinshiliginde talaı órenderimiz baq synasa da, birde-birine júldegerler qatarynan kóriný baqyty buıyrmaǵan edi. Tipti Olımpııa oıyndarynyń júldegeri jáne qatysýshysy bolǵan Denıs Ten men jaraqatyna baılanysty byltyr ǵana karerasyn aıaqtaǵan Elızabet Tursynbaeva da álemdik synda óner kórsetkenimen, ekeýi de júldege synyq súıem qalǵanda súrinip, jarysty tórtinshi orynmen aıaqtaǵan bolatyn.
Estonııadaǵy dodanyń jekeleı baǵdarlamasynda óner kórsetken 17 jastaǵy otandasymyz tóreshilerdiń 234,31 upaıyna ıe bolyp, álem chempıonatynyń kúmis júldesin jeńip aldy. Bas júldeni 17 jastaǵy amerıkalyq Ilıa Malının (276,11 upaı) ıelense, qola júlde 19 jastaǵy japonııalyq Tasýıa Sýboıge (233,82) buıyrdy.