Sýdıalar qyzmeti jańa deńgeıge kóterilýi tıis

Memleket basshysy Nursultan Nazarbaev Joǵarǵy Sot Tóraǵasy Qaırat Mámıdi qabyldady, dep habarlady Prezıdenttiń baspasóz qyzmeti. Kezdesýde sot tóreligin at­qa­rýdyń qazirgi kezeńdegi jaı-kúıi, sondaı-aq, sottardyń qyzmetin odan ári jetildirý jónindegi pers­pektıvalyq mindetter talqy­landy. Nursultan Nazarbaev sýdıa­lar­dyń sany artqanyn jáne olardyń jumysyn jaqsartý úshin barlyq qajetti jaǵdaılar jasalǵanyn atap ótti. Osyǵan baılanysty Memleket basshysy qazaqstandyq sýdıalardyń qyzmeti aldaǵy ýaqytta sapaly jańa deńgeıge kóterilýi tıistigine toqtaldy. Joǵarǵy Sot Tóraǵasy Mem­leket bas­shysynyń VI sýdıalar sezindegi tapsyrmalary­nyń iske asyrylý barysy, sot óndirisin jeńildetý, sot qyzmetinde tóre­shil­dik resimderdi azaıtý jónin­de júrgizilgen jumystar men aza­mattardyń quqyqtaryn qorǵaýdy kúsheıtýge, sot tóreligin atqarý sapasyn jaqsartýǵa baǵyttalǵan sharalar týraly baıandady. Q.Mámı sot tóreligin atqarý úderisine aralasýdyń aldyn alý, sondaı-aq, sot bıliginiń ımıdjin nyǵaıtýǵa baǵyttalǵan ózge de máselelerdi qarastyrǵan, sot bı­liginiń táýelsizdigi ındeksin kóterý jónindegi Joǵarǵy Sot ázirlegen is-sharalar jospary týraly habardar etti. Budan bólek, Joǵarǵy Sot Tó­r­aǵasy sot tóreligine qoljetimdilikti arttyrýdy, isterdi qaraýdyń sot­qa qatysýshylarǵa yńǵaıly tárti­bin, bitistirý úderisterin keńi­nen qol­daný men zamanaýı teh­no­lo­gııa­lardy paıdalanýdy qa­ras­ty­ratyn Azamattyq is-júr­gizý ko­dek­siniń jańa jobasyna qatysty ju­mys­tardyń barysy týraly baıandady. Kezdesý qorytyndysynda Mem­­leket basshysy eldiń sot júıe­­sin ári qaraı damytý jóninde bir­­qatar tapsyrmalar berdi. ----------------------------------------- Sýretti túsirgender S.BONDARENKO, B.OTARBAEV.