Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy Egemen.kz.
«Bul kórshi eldermen jáne tutastaı alǵanda kóptegen shet memlekettermen salystyrǵanda jaqsy jetistik», dedi Ashat Aımaǵambetov Úkimet otyrysynda.
Mınıstr otandyq bilim berý júıesiniń sapasyn jalpy halyqaralyq reıtıngter boıynsha baǵalaýǵa bolatynyn túsindirdi.
«Olardyń básekege qabilettiligi óte joǵary dep aıta alamyn. Mysaly, eger kolledjder boıynsha WorldSkills chempıonatynyń qorytyndylaryn qaraıtyn bolsaq, onda Qazaqstan 60-tan astam qatysýshy elderdiń arasynda 50-orynnan 14-orynǵa deıin kóterildi. Kórip otyrǵandaryńyzdaı, jaqsy dınamıka bar», dedi Ashat Aımaǵambetov.
2016 jyly QS halyqaralyq reıtıngisinde barlyǵy 8 ýnıversıtet, búgingi tańda Qazaqstannan 14 JOO bolǵany atap ótildi.
Buǵan deıin habarlanǵandaı, Qazaqstanda ınnovasııalyq bilim berý baǵdarlamalary engizilýde.
Aıana Toǵanbek