Slovakııanyń Peshtıanı qalasynda uıymdastyrylǵan shaıbaly hokkeıden jasóspirimder arasyndaǵy birinshi dıvızıonnyń álem chempıonaty óz máresine jetti. Qazaqstan quramasy alty eldiń ishinde tórtinshi orynǵa turaqtady.
A tobynda synǵa túsken jerlesterimiz bes oıynnyń ekeýinde jeńiske jetip, úsh kezdesýde qarsylastaryna jol berdi. Alǵashqy eki matchta Norvegııa (2:9) jáne Fransııa (2:4) quramalarynan jeńilgen qazaqstandyq jas hokkeıshiler keıingi eki kezdesýde Danııa men Japonııadan basym tústi. Úshinshi týrda Danııa hokkeıshilerin 4:2 esebimen utsa, tórtinshi týrda Japonııa jasóspirimderinen jeńilip jatyp, 4:3 esebimen sońǵy mınýttarda jeńisti julyp aldy. Al qorytyndy, besinshi týrda muzaıdyn ıelerimen kezdesip, Slovakııa quramasynan 5:3 esebimen jeńilip qaldy.
Álem chempıonatynyń qorytyndysy boıynsha, A tobynyń alǵashqy eki ornyn ıelengen Slovakııa men Norvegııa quramalary top-dıvızıonǵa joldama alsa, Fransııa hokkeıshileri úshinshi orynǵa ıe boldy. Al sońǵy orynda qalyp qoıǵan Japonııa V tobyna syrǵydy.