Atyraý oblysynda túzetý mekemesindegi jóndeý jumystaryna bólingen 322 mln. teńgeniń urlanǵany anyqtaldy. Bul týraly oblystyq ekonomıkalyq qylmysqa jáne sybaılas jemqorlyqqa qarsy kúres departamenti habarlady.
«Eńbek Atyraý» fılıalynyń dırektory 2013 jyldyń naýryz-jeltoqsan aılary aralyǵynda kúzet ınjenerlik-tehnıkalyq quraldaryna kúrdeli jóndeý júrgizýge jáne turǵyn aımaq obektilerin oqshaýlaýǵa baılanysty Atyraýdaǵy ÝG-157/9 mekemesimen kelisim-shart jasaǵan. Alaıda, qurylys materıaldarynyń baǵasyn ósirip, jobalyq-smetalyq qujattardy aýystyrý arqyly 322 mln. teńge kóleminde bıýdjet qarajatyn urlaǵan. Osy faktige baılanysty «Eńbek Atyraý» fılıalynyń dırektoryna qatysty Qylmystyq Kodekstiń 176-babynyń 3-bóligimen (Senip tapsyrylǵan bóten múlikti ıelenip alý nemese ysyrap etý) qylmystyq is qozǵalyp otyr.
Joldasbek Shópeǵul.
Atyraý oblysy.
Derekkóz: Oblystyq departament.
Foto: bag.kz.