Álemniń 51-raketkasy Iýlııa Pýtınseva Ystanbul WTA 250 týrnıriniń ekinshi aınalymyna shyqty, dep habarlaıdy Egemen.kz.
Qazaqstandyq tennısshi bastapqy kezdesýin álemniń 57-raketkasy, Polsha ókili Magda Lınetpen ótkizdi.
Buǵan deıin qarsylastar bes ret kezdesip, sonyń tórteýinde M.Lınett jeńgen edi. Bul joly birinshi partııada Pýtınseva 4:1 esebimen alǵa ozdy. Polıak qyzy da qalyspaı, tarazy basyn teńestirgenimen, qazaqstandyq tennısshi taı-breıkte sátti oıyn kórsetti. Esep - 7:6 (8:6).
Al ekinshi sette Iýlııa 6:4 esebimen basym tústi.
Eki saǵatqa sozylǵan tartysta Pýtınseva 1 eıspen birge 9 breık-poınttyń beseýin paıdalana bildi.
Endi jarystyń shırek fınalyna shyǵý úshin qazaqstandyq sportshy álemniń 76-raketkasy, shvesııalyq Rebekka Petersonmen aıqasady.
Aıta ketsek, ol álemniń 23-inshi, osy dodanyń 1-raketkasy, belgııalyq Elıze Mertensti joldan taıdyrǵan edi.