Taraz qalasyndaǵy Qazaqstannyń Tuńǵysh Prezıdenti saıabaǵynda qalalyq mádenıet jáne tilderdi damytý, sport jáne bilim bólimderiniń uıymdastyrýymen “Otbasy – Otannyń oshaǵy” atty mádenı is-shara bolyp ótti.
...otabasy merekesi boldy
Ol úlgili otbasylar arasyndaǵy sporttyq jarystarmen bastaldy. Maqsaty otbasy qundylyqtaryn nasıhattaý bolyp tabylatyn atalǵan is-sharada Toqsanbaevtar otbasy – 1, Rojko otbasy – 2 jáne Zýbkov otbasy 3-oryndy jeńip alyp, arnaıy taǵaıyndalǵan baǵaly syılaqtarǵa ıe boldy. Án-kúı baıqaýynda Maldybaev, Amanov jáne Saıtjanov otbasylarynyń ónerlerine kórermender rızashylyqpen qol soqty.
Kósemáli SÁTTIBAIULY,Taraz.
...aksııa bastaý aldy
“Nur Otan” HDP Aqtóbe oblystyq fılıaly men ekonomıkalyq qylmysqa jáne sybaılas jemqorlyqqa qarsy kúres jónindegi oblystyq departament birlese otyryp, “Sizdiń “Jemqorlyqqa jol joq” deýińiz mańyzdy” respýblıkalyq aqparattyq-nasıhattyq aksııasynyń tusaýyn kesip, baspasóz máslıhatyn ótkizdi.
Sóıtip, adamdardyń sybaılas jemqorlyqqa degen tózbestik kózqarasyn qalyptastyrýǵa, sondaı-aq, onyń beleń alýyn tómendetýge qol jetkizýge mańyz berilip otyr. Osy aksııa aıasynda qoǵamdyq qabyldaýlar ótkizý, senim telefondary boıynsha jumys isteý, “Jas Otan” jastar qanatynyń kúshimen sybaılas jemqorlyqpen kúreske baǵyttalǵan semınar-trenıngter uıymdastyrý, reıdterge shyǵý qarastyrylǵan.
Satybaldy SÁÝIRBAI,Aqtóbe oblysy.
...“Ashyq esik” kúni ótti
Qaı salada da birigip atqarǵan jumys berekeli bolatyny zańdylyq. Taldyqorǵan qalasynda Qazaqstan Respýblıkasy Áskerı sotynyń tóraǵasy Serik Baıbatyrov bastaǵan áskerılerdiń “Ashyq esik” kúnine saladaǵy sýdıalar men prokýratýra, óńirdegi áskerı bólimder men garnızon basshylary qatysty. Jıyn barysynda áskerı bólimder men garnızondardaǵy tártip, qyzmetkerlerdiń quqyqtaryn qorǵaý, áleýmettik máseleleriniń oń sheshilýi ortaǵa salyndy.
Halyqtyń tynyshtyǵyn saqtaýdy basty borysh sanaıtyn áskerıler ómirindegi turǵyn úı, taǵy basqa túıindi jaılar kóterilip, oǵan Áskerı sot tóraǵasy jan-jaqty jaýap berdi. Máselen, áskerı qyzmette júrip, túrli sebeppen birer jyl úzilis jasap, qaıtadan ásker qataryna kirgenderge zeınetaqy taǵaıyndaýda másele týyndaıdy eken. Osy kezde jasalatyn jeńildikter jaıly qoıylǵan saýaldarǵa zań aıasynda jaýap qaıtaryldy.
Kúmisjan BAIJAN,Almaty oblysy.