Atyraý oblysynyń Jylyoı aýdanyndaǵy Jem ózeni tasyp, sonyń saldarynan Qulsary qalasyndaǵy úılerdi sý basty. Eldi mekendi odan ári sý basýdyń aldyn alý boıynsha jumystar júrgizilip jatyr, dep habarlaıdy Egemen.kz.
«21 sáýir kúni saǵat 05:57-de Jylyoı aýdany Qulsary qalasynyń 7-shi aýylynda Jem ózenindegi sý deńgeıiniń kóterilýine baılanysty úsh aýla aýmaǵyn sý basty. 10 adam, onyń ishinde tórt bala evakýasııalandy. Olar týystarynyń úılerine ornalastyryldy.
Eń qaýipti ýchaskede 7-shi aýyldyń úılerin qorǵaý úshin topyraq úıindisin salý jáne qum salynǵan qaptardy tóseý boıynsha jumystar júrgizilýde. Jumystarǵa Atyraý oblysy Tótenshe jaǵdaılar departamenti, Jergilikti atqarýshy organdar, aýdandyq polısııa bólimi jáne Jylyoı aýdanynyń iri kásiporyndarynyń qyzmetkerleri men tehnıkasy qatysady. Barlyǵy 92 adam men 24 tehnıka», dedi oblystyq TJD baspasóz qyzmeti.
Aıana Toǵanbek