Elshilermen kezdesti

Keshe Qazaqstan Parlamenti Senatynyń Tóraǵasy Qasym-Jomart Toqaev Iran Islam Respýblıkasynyń elshisi Gorban Seıfı men Pákistan Islam Respýblıkasynyń elshisi Shaýkat Alı Mýkadamdy olardyń ótinishteri boıynsha qabyldady, dep habarlady Senattyń baspasóz qyzmeti. Q.Toqaev óz mıssııasyn aıaq­taǵan Iran el­shisine tabysty ju­mystary úshin rı­za­shylyq bil­dirip, alǵys hat tabys etti. Áń­gime barysynda joǵary saıa­sı deń­geıdegi Qazaqstan-Iran baı­la­nystarynyń qar­qyndy damy­ǵany jáne parlamentaralyq ún­qa­tysýlar nyǵaıa túskeni atap ótildi. Pákistan elshisimen kezdesýde Senat Tóraǵasy Qazaqstan men Pákistan parlamentshileri arasyndaǵy baılanystardy odan ári damytý, sondaı-aq, BUU, AО́SShK, ShYU, IYU jáne EYU sekildi jahandyq jáne aımaqtyq uıymdar aıasynda eki eldiń ózara jemisti is-qımylyn jalǵastyrý jaıynda aıtty. Q.Toqaev Pákistannyń jańa elshisiniń saýda-ekonomıkalyq yntymaqtastyqty tereńdetý nıe­tine qoldaý bildirip, Astanadaǵy EKSPO-2017 halyqaralyq kórmesine Pákistandy belsendi túrde qatysýǵa shaqyrdy. О́z kezeginde Sh.Mýkadam Pre­zıdent Nursultan Na­zarbaev­tyń «Qazaqstan-2050» Strate­gııasy eki eldiń ózara tıimdi ynty­maqtastyǵy úshin zor múmkindikter ashatynyn atap ótti.