Qazynaly qıyrǵa qarjy quıylady

Atyraýda ekinshi ret ótken halyqaralyq ınvestısııalyq forým aıasynda 19 mıllıard teńgeniń memorandýmyna qol qoıyldy

Atyraýǵa taǵy da eko­no­mıkanyń ár salasyna ınvestısııa quıýǵa qulyqty ınvestorlar shoǵyry kóptep jınaldy. Ekinshi ret ótkizilgen «Atyrau Inbest-2014» halyqaralyq forýmy aıasynda álemniń 15 elinen 100-den astam kompanııa ókilderi aldynda oblys ákimi B.Izmuhambetov munaıly Atyraý ekonomıkasynyń ereksheligi týraly baıandap berdi. Onyń aıtýynsha, álemniń ár túkpirindegi 50-den astam elmen iskerlik, yn­tymaqtastyq baılanys ornatyp otyr. Qazir Atyraýda sheteldik kapıtaldyń qatysýymen 900-den asa kompanııa jumys jasaıdy. Buǵan Atyraý oblysynyń tabıǵı baılyqqa moldyǵy da, ekonomıkalyq órkendeýi de oń áserin tıgizip otyr. Bul óńirge alǵash ınvestısııa quıǵandardyń bastaýynda «Shevron» korporasııasyn aıtýǵa bolady. Álemdik munaı bıznesinde shoqtyǵy bıik korporasııa Atyraý ekonomıkasyna mol ınvestısııa salyp, «Teńiz» ken ornyn ıgerýdi sátti jalǵastyrýda. Osynaý kóshbasshy korporasııanyń kelýimen Aty­raýǵa dúıim dúnıeniń ár elinen álemdik naryqtaǵy alpaýyt kom­panııalardyń qyzyǵýshylyǵy artyp keledi. Jyl saıyn qazynaly qıyrǵa qarjy quıǵysy keletinder qatary molaıa túsýde. Álemniń 50-den asa elimen saýda baılanysyn ornatyp úl­gergen óńir ásirese, AQSh, Uly­brıtanııa, Italııa, Fransııa, Qytaı, Kanada sekildi elderdi erekshe qyzyqtyryp otyr. Sonyń ishinde Ulybrıtanııa, Italııa, Germanııa elderi Atyraýda saýda-ınvestısııalyq ókildikterin ashyp qoıdy. Al Keden odaǵy aıasyndaǵy Reseı Federasııasy men Belarýs Respýblıkasy arasyndaǵy baılanys senimdi áriptestikten is­ker­lik belsendilikke bet tú­zedi. Ásirese, Belarýs eli tara­­py­nan qyzyǵýshylyqtyń art­qany baıqalady. Osy oraıda Gomel oblysy atqarýshy komıteti tóraǵasynyń orynbasary Boleslav Pırshtýktyń sózimen aıtqanda, Keden Odaǵy quramyndaǵy elder, sonyń ishin­de, Atyraý men Gomel oblystary arasynda sheshilmegen másele qalmaǵan. – Gomel óndirisi qarqyndy damyǵan oblys bolǵanmen, sońǵy jyldary aýyl sharýashylyǵy salasynda da keshendi baǵ­dar­lamalar iske asyrylyp jatyr. Bul salaǵa qajetti tyrmadan trak­torǵa deıin shyǵarylady. Mal sharýashylyǵynda ilgerileýshilik bar, – dep keńinen áńgimeledi B.Pırshtýk. Qazynaly óńirde ekinshi ret ótkizilgen ınvestısııalyq forým aıasynda jalpy somasy 19 mıllıard teńgeni quraǵan onnan astam memorandýmǵa qol qoıyldy. Sonyń ishinde bir ǵasyrdan astam merzimnen beri «qara altyn» óndirýmen óndirisi órge basqan Atyraýda ózge salalarǵa, ásirese, qus sharýashylyǵyn damytýǵa bet burǵyzatyn jobalar da bar. «Atyraý» ÁKK» UK» AQ basqarma tóraǵasy Abat Tasymovtyń málim etýinshe, óńirde qýattylyǵy shamamen 2 myń tonnaǵa jetetin qus fabrıkasy salynbaq. Mundaǵy bir erekshelik, óńirde alǵash ret qaz etin óndirý qolǵa alynady.         Sonymen birge, Atyraý oblysynda 2600 tonna taýyq etin óndiretin taǵy bir qus fab­rıkasynyń qurylysy bastalmaq. Osyǵan baılanysty qus fabrıkasyn qarjylandyrý maqsatynda ortaq kelisim jasaldy. Qus fabrıkasyn 2015 jyly iske qosý josparlanyp otyr. – Qazaqstan men Belorýssııa ara­syndaǵy qarym-qatynas qar­qyndy damyp keledi. Qazir sol iskerlik baılanystardy odan ári óristetýdiń ońtaıly sáti túsip tur. Bizdiń Gomel oblysynyń kásiporyndary Qazaqstanǵa aýylsharýashylyq tehnıkalaryn eksporttaı alady. Biz Qazaq­stannan, sonyń ishinde Atyraý oblysynan ózimizge qajetti ónim­derdi satyp alýǵa yntalymyz. Osy forým kezinde taǵy da qo­symsha mańyzdy kelisimsharttar jasastyq. Endi eki el arasyndaǵy saýda aınalymy burynǵydan molaıa túsedi, –dedi Gomel oblysy atqarýshy komıteti tóraǵasynyń orynbasary Boleslav Pırshtýk. Jalpy, Gomel oblysynyń Atyraýmen baılanysy tek bir salamen shekteledi deýge bolmaıdy. Taraptar bilim berý, medısına salasynda birlesken jobalardy iske asyrýyna mol múmkindik bar, dep esepteıdi Belarýs Respýblıkasy taýar-óndiristik palatasy Go­mel bólimshesiniń bas dırektory Marına Fılonova. Tipti, go­meldik delegasııa basshysy B.Pırsh­týk jún óńdeý óndirisin damytý baǵytynda tájirıbe bólisýge daıyn ekenin jetkizdi. Túıindeı aıtqanda, Atyraýda ótkizilgen ekinshi ınvestısııalyq forým, ásirese, Qazaqstan men Belarýs elderi arasyndaǵy ınte­grasııalyq baılanystardy odan ári tereńdete túsýge jańasha ser­pin berdi. Joldasbek ShО́PEǴUL,  «Egemen Qazaqstan». Atyraý oblysy.