BALANYŃ TAÝY ShAǴYLMASYN DESEK

Keshe Astanada “Nur Otan” HDP Ortalyq apparaty ǵımaratynda Balalar quqyǵy týraly konvensııanyń 20 jyldyǵyna oraı “Balalyq shaqty qorǵaý jáne iske asyrý joldary” taqyrybynda ortalyqazııalyq ǵylymı-tájirıbelik konferensııa ótti.

Bizdiń  elimiz BUU-nyń Bala quqyǵy týraly konvensııasyna qosylǵannan bergi aralyqta bul máselede halyqaralyq uıymǵa eki ret atqarylǵan ister haqynda baıan etken. Onyń alǵashyqysy 2003 jyly bolsa, ekinshisi 2007 jyly baıandalǵan. Qazaqstanda ǵana emes, jalpy Ortalyq Azııa elderinde bala­lar­dyń damýyna qolaıly saıasattyń damýyna jol ashý máselelerin sóz etken konferensııada Bilim jáne ǵylym mınıstrligi Balalar qu­qyn qorǵaý komıtetiniń tóraıy­my Raısa Sher búgingi kúni mektep jasyna deıingisi, mektep jasyn­daǵysy, sondaı-aq oqıtyny bar 18 jasqa tolmaǵan 4 mıllıon 755 myń 902 bala bar ekendigin aıtty. Onyń  ishinde ótken jyly damý múmkindigi shekteýli 150 myńǵa jýyq jasós­pi­rim barlyǵy anyq­talsa, 42 myńnan astam bala je­tim nemese ata-ana­synyń qamqor­ly­ǵynsyz qalǵandar eken. Áıtse de, osy 42 myń jas­óspirimniń bar­lyǵy balalar úıinde tárbıe­le­nip jatqan joq. Kish­ken­taı­lary­nan taǵdyr ıyqtaryna sal­maǵyn salǵan bul jetkinshekterdiń 25 myńy Qazaqstan azamattarynyń qamqorlyǵyna alynǵan. Sondaı-aq 2 myńnan astam bala res­pýb­lı­ka­daǵy otbasylarda tárbıe­lený­de. Al 15 myń bala den­saý­lyq saqtaý, halyqty áleýmettik qorǵaý, bilim berý júıeleriniń uıym­darynda tár­bıelenip, sonda ómir keshýde. О́ki­nishke qaraı, osy 15 myńnyń ishin­degi tek 2 myńnan astamy je­tim­der, al qalǵan­dary­nyń ata-ana­lary bar kórinedi. Amal ne, “Seniń tabanyńa kirgen shóńge meniń mańdaıyma qadal­syn”, deıtin ata-ana túzý joldan taısa, baýyr eti ba­la­synyń jaıyn qaıdan oılasyn?! Komıtet basshysynyń aı­týyn­sha, BUU-nyń Balalar quqy jónindegi komıtetiniń usynysyna sáıkes elimizde Ulttyq is-qımyl jospary iske asyrylýy kerek. “Bú­ginde osyndaı ulttyq is-qı­myl josparyna 2007-2011 jyl­dar­ǵa arnalǵan “Qazaqstan bala­la­ry” baǵdarlamasyn jatqyzýǵa bolady. Bıylǵy jyly bul baǵdar­la­manyń  ekinshi kezeńi basta­lady”, – dedi Raısa Sher. Qazirgi kezde elimizde balalar máselesimen aınalysatyn 600-ge tarta úkimettik emes uıym bar eken. Elimizdegi zań shyǵarýshy jáne atqarýshy organdardyń ókil­deri, QR Prezıdenti janyndaǵy Áıelder isteri jáne otbasylyq-demo­grafııalyq saıasat jónindegi komıssııa QR Prezıdenti ja­nyn­daǵy Adam quqyqtary jónindegi komıssııa, úkimettik emes jáne ha­lyqaralyq uıymdar ókilderi qa­tysqan konferensııa adam qu­qyǵynyń negizinde balalar quqyqtaryn qorǵaý ınstıtýtynyń jumysyn óristetýdiń mańyzyna basa mán berdi. Anar TО́LEÝHANQYZY.