Sharaına

Strategııalyq qarýyn qysqartady AQSh-tyń qorǵanys mınıstrligi strategııalyq qarý-jaraqtaryn qysqartý josparyn jarııa etti. Negizinen ol 50-deı qurlyqaralyq ballıstıkalyq zymyrannyń áskerı kúzetten alynatyndyǵyna qatysty bolmaq. Bul 2011 jylǵy aqpanda kúshine engen Reseı men AQSh arasyndaǵy strategııalyq shabýyl qarýlaryn shekteý jáne qysqartý týraly shart sheńberinde jasalyp otyr. Jaqyn kúnderi AQSh-tyń shahtadaǵy Minuteman III qondyrǵysynyń alynatyndyǵyn belgileıdi. Qazirgi kezde bul elde 450 zymyrandy shahta bar, olar úsh aımaqta – Malmstrom, Ýorren jáne Maınot avıabazasynda ornalasqan. Sondaı-aq, AQSh-tyń áskerı teńiz kúshteri SNV-3 sharty aıasynda birqatar ózgerister engizbek. Osyǵan baılanysty 14 «Ogaıo» strategııalyq atom súńgýir qaıyǵy  tórt zymyrandy shahtalar boıynsha qaıta jasalady. Syǵandar baronyna qarsy shyqty Zakarpate oblysyndaǵy (Ýkraına) aýdan ortalyǵy Mýkachevo eldi mekeninde turatyn syǵandar ózderiniń baronyna qarsylyq retinde mıtıngige shyqty. «Segodnıa» basylymynyń habarlaýynsha, aksııaǵa birneshe júz adam qatysqan, olardyń keıbirinde rázińke soıyl bar. «Bul syǵan taborlarynyń ishki kıkiljińi, – dep habarlady qalalyq mılısııa bólimindegiler. – Jeti myńdaı syǵan otbasynan turatyn úsh júzge jýyq adam barondary óziniń bıligin asyra paıdalandy dep aıyptaǵan. Biz jaǵdaıdy ýshyqtyrmaıyq degen nıetpen, mıtıngi ótip jatqan jerde kezekshilik atqarýdamyz». Keıbir málimetterge qaraǵanda, bılikpen kelissóz júrgizýge daıyn. Osydan bir kún buryn atalǵan eldi mekende tóbeles bolypty. Odan birneshe adam zardap shekken sııaqty. Búgingi kúni Ýkraınada 50 myńdaı syǵan turyp jatyr. 200 dollar úshin jeti jyl

Moldavııadaǵy Telenshet aýdandyq sotynyń sýdıasy George Popa 200 dollar para alǵany úshin bas bostandyǵynan aıyryldy. Oǵan jeti jyl túrmede otyrý jazasy taǵaıyndalǵan.

Sondaı-aq, ol 160 myń leı (420 myń rýbl) aıyppul tóleýge mindetti. Prokýratýranyń málimetteri boıynsha, bul jemqorlyq faktilerimen naqty merzimge sottalǵan alǵashqy sýdıa. Sýdıanyń pikirinshe, oǵan taǵylǵan aıyp qoldan jasalǵan, shyndyqpen sáıkespeıdi. G.Popa ótken jylǵy qazanda óziniń qyzmet bólmesinde ustalǵan edi. Keıbir aqparattarǵa qaraǵanda, ótken jyly elde jemqorlyqpen kúres arta túsken. Nátıjesinde 400-den astam sheneýnik sybaılas jemqorlyqpen qolǵa túsipti. Mádenıet mınıstri otstavkaǵa ketti Ulybrıtanııanyń mádenıet mınıstri Marııa Mıller 5800 fýnt bıýdjet qarjysyn maqsatsyz jumsady dep aıyptalǵanyna baılanysty otstavkaǵa ketti. El premer-mınıstri Devıd Kemeronǵa jazǵan hatynda ol óziniń osyndaı janjalǵa ushyraýy úkimet jumysyna kedergi keltiretinin ataǵan. Úkimet basshysy onyń ótinishine túsinistikpen qarap, onyń ótinishin qabyldaǵan. Derek kózderi boıynsha, mádenıet mınıstri birqatar parlamentarıılerdiń talap etýine qaramastan, otstavkaǵa ketýden bas tartqan da kórinedi. Osy máselege qatysty qurylǵan komıssııa Mıllerge kórsetilgen qarajatty tóleýge mindettegen eken. Al ol bul qarjyny óziniń ıpotekalyq tólemderine baǵyttaǵany anyqtalyp otyr. Bir qumyra bal syılady Ulybrıtanııa patshaıymy Elızaveta II Rım papasy Fransıskimen alǵash ret kezdesti. Patshaıym kúıeýi Fılıppen birge pontıfıkke Býkıngem saraıynyń baý-baqshasynan jınalǵan bir qumyra bal, sondaı-aq, bir shısha vıskı men on dana jumyrtqa syılady. Elızaveta II óziniń bul áreketin Rım papasyna ózgeshe bir syılyq jasaǵysy kelgenimen túsindirgen. Al óz kezeginde Fransısk patshaıymǵa asyl tastan jasalyp, joǵary jaǵyna krest ornatylǵan buıymdy syıǵa tartypty. Osydan birer kún buryn Elızaveta II Kvırınal saraıynda Italııa prezıdenti Djordj Napolıtanomen birge tańǵy as ishken eken. Al Fransısk Elızaveta II-men ekeýara jeke kezdesken Anglıkan shirkeýi jetekshisiniń besinshi pontıfıgi bolyp otyr. Jırınovskıı qulaqtan «aıyrylatyn» boldy Ázerbaıjan «Sovremennyı mýsavat» partııasynyń jetekshisi Hafız Gadjıev reseılik LDPR basshysy Vladımır Jırınovskııge «qulaǵyn» kesemin dep ses kórsetti. Buǵan Jırınovskııdiń Ázerbaıjan jóninde kemsitý sóz aıtqany sebep bolyp otyr. «Osy kemsitýi úshin men onyń qulaǵyn kesemin», dep málimdepti ázerbaıjandyq saıasatker. Jırınovskııdiń jaqynda memlekettik dýmada sóılegen sózi Gadjıevtiń ashý-yzasyn týdyrsa kerek. Reseılik saıasatker sonda «Ázerbaıjan» ataýyna qatysty: «Azer – bul Hezer teńizi, ıaǵnı Kaspıı teńizi, badja – ólke. Bular Kaspıı teńiziniń jaǵalaýynda turatyn jurt. Bul ult pa?» – dep kólgirsigen kórinedi. Onyń bul sózderin joqqa shyǵara kelip, Búkilreseılik ázerbaıjan kongresi Jırınovskııdi jaýapqa tartý úshin tıisti organdarǵa hat jiberdi. Qysqa qaıyryp aıtqanda: AQSh kongresi joǵarǵy palatasynyń barlaý jónindegi komı­te­ti ortalyq barlaý basqarmasynyń terrorızmge qatysy bar kú­dik­­­­­­tilerdi ustaý jáne olardan jaýap alý ádisteri týraly daıyn­dal­­ǵan 480 bettik baıandamanyń qupııalylyǵyn ashý jóninde qaýly qabyldady. Saýd Arabııasynda ólim jazasyna kesilgen ındonezııalyq Satına esimdi áıeldi Indonezııa tarapy ıslamdyq salt-dástúrmen ony «satyp alý» úshin 1,8 mıllıon dollar tóleıtinderin bildirdi. Satına osydan jeti jyl buryn jumys berýshisin óltirgenine baılanysty ólim jazasyna kesilgen eken. Kórshiles Qyrǵyzstannyń Baqaı ata aýdanyndaǵy birqatar eldi mekender turǵyndary Shıraldjın aýmaǵyndaǵy kenishten altyn kenin óńdeýge baılanysty qarsylyq aksııasyn ótkizdi. Talaptary – óńdeý jumystary ondaǵy ekologııalyq jaǵdaıdy nasharlatady. Jergilikti bılikten qanaǵattanarlyq jaýap bolmaǵan soń, Talas – Sýsamyr avtojolyn jaýap tastady. Internet materıaldary negizinde ázirlendi.