QR Premer-mınıstriniń orynbasary - Syrtqy ister mınıstri Muhtar Tileýberdi Máskeýge jumys saparymen kelip, onyń barysynda RF Syrtqy ister mınıstri Sergeı Lavrovpen shaǵyn jáne keńeıtilgen quramda kelissózder ótkizdi, dep habarlaıdy Egemen.kz.
Taraptar saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń jaı-kúıi men perspektıvalaryn talqylady. Kún tártibindegi halyqaralyq máselelerdiń keń aýqymy boıynsha pikir almasyldy.
О́ńiraralyq jáne shekara mańy yntymaqtastyǵyn nyǵaıtý, otyn-energetıka jáne ǵarysh salalaryndaǵy ózara is-qımyl jónindegi praktıkalyq qadamdarǵa erekshe nazar aýdaryldy.
Sonymen qatar, syrtqy saıası vedomstvolardyń basshylary TMD, EAEO, UQShU, ShYU, AО́SShK jáne BUU ıntegrasııalyq birlestikteri sheńberindegi yntymaqtastyq, Ortalyq Azııadaǵy turaqtylyq pen qaýipsizdikti qamtamasyz etý máselelerin qarastyrdy.
Kezdesý qorytyndysy boıynsha dıplomatııalyq qatynastardyń ornaǵanyna 30 jyl tolýyn merekeleý jónindegi is-sharalar josparyna qol qoıyldy.
Odan bólek, Halyk Bank Sber Kazahstan bankten 330 mlrd teńgeniń ($740 mln) jekeleı kredıt portfelin satyp alǵany belgili boldy. Alfa banktiń "enshiles" qurylymyn satyp alý týraly da qazaqstandyq banktermen kelissózder júrgizilip jatyr.