Almaty jáne Mılan qalalary arasynda halyqaralyq áýe reısterin ashý týraly kelisim jasaldy, dep habarlaıdy Egemen.kz IIDM-ge silteme jasap.
«QR IIDM Azamattyq avıasııa komıteti men Italııa avısııalyq bıliginiń arasyndaǵy qoldanystaǵy ózara ýaǵdalastyq kelisim aıasynda atalǵan elder arasynda turaqty áýe reısterin oryndaý úshin quqyqtyq baza quryldy», deıdi Indýstrııa jáne ınfraqurylymdyq damý mınıstrliginiń baspasóz qyzmeti.
Mılan – Almaty – Mılan baǵytyndaǵy turaqty áýe reısteri aǵymdaǵy jyldyń 12 maýsymynan bastalady. Jolaýshylar tasymaly ár aptanyń dúısenbi jáne beısenbi kúnderi Boeing 737 jáne 787 áýe kemeleri arqyly júzege asyrylmaq.