20 sáýir kúni saǵat 21.30 shamasynda Pavlodar oblysy Polısııa departamentiniń Jedel basqarý ortalyǵyna belgisiz azamatta esirtki zaty saqtaýly degen habarlama tústi, dep habarlaıdy Egemen.kz.
Oqıǵa ornyna polısııa qyzmetkerlerimen qatar Ulttyq ulan 5512 áskerı bóliminiń kınologııalyq qyzmetiniń mamany Talǵat Qabdrahmanov qyzmettik ıti Bravomen keldi.
Kúdiktiniń turǵylyqty jerin tintý barysynda ıt monshadaǵy sóreniń qasyna kelip, belgi bere bastady.
Muqııat tekserý kezinde «mórlengen» deıtin jazýy bar segiz dana túıirler tabyldy. Ishinde jasyl tústi ósimdik tektes úsh keli esirtki zaty anyqtaldy.
Aıana Toǵanbek