2013 jylǵy 18 qarasha Astana qalasy
Qazaqstan Respýblıkasy Kólik jáne kommýnıkasııa mınıstrligi júzege asyratyn mindetterdi oryndaý úshin qajetti jáne jetkilikti derbes derekterdiń tizbesin bekitý týraly
«Derbes derekter jáne olardy qorǵaý týraly» 2013 jylǵy 21 mamyrdaǵy Qazaqstan Respýblıkasynyń Zańynyń 27-babynyń 1) tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasy Kólik jáne kommýnıkasııa mınıstrligi júzege asyratyn mindetterdi oryndaý úshin qajetti jáne jetkilikti derbes derekterdiń tizbesi bekitilsin.
2. Qazaqstan Respýblıkasy Kólik jáne kommýnıkasııa mınıstrliginiń Aqparattandyrý salasyndaǵy memlekettik saıasat departamenti (Q.B. Eleýsizova):
1) osy buıryqtyń Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin, buqaralyq aqparat quraldarynda, sonyń ishinde Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda resmı jarııalaýdy jáne memlekettik organdardyń ıntranet-portalynda ornalastyrýdy;
3) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy «Ádilet» respýblıkalyq memlekettik kásipornynyń aqparattyq-quqyqtyq júıesine resmı jarııalaýǵa kóshirmelerin jiberýdi;
4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin bes jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi Qazaqstan Respýblıkasy Kólik jáne kommýnıkasııa mınıstrliginiń Zań departamentine usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Kólik jáne kommýnıkasııa mınıstrliginiń jaýapty hatshysy J.M. Qasymbekke júktelsin.
4. Osy buıryq alǵashqy resmı jarııalanǵanynan keıin kúntizbelik on kún ótken soń qoldanysqa engiziledi jáne 2013 jyldyń 25 qarashasynan bastap týyndaǵan qatynastarǵa qoldanylady.
Mınıstr A.JUMAǴALIEV.
Qazaqstan Respýblıkasy Kólik jáne kommýnıkasııa mınıstriniń 2013 jylǵy 18 qarashadaǵy №899 buıryǵymen bekitildi
Qazaqstan Respýblıkasy Kólik jáne kommýnıkasııa mınıstrligi júzege asyratyn mindetterdi oryndaýǵa qajetti jáne jetkilikti derbes derekter tizbesi
1. Tegi
2. Aty
3. Ákesiniń aty (bolǵan jaǵdaıda)
4. Tegi men atynyń transkrıpsııasy
5. Týý týraly málimetter:
týǵan kúni, aıy, jyly
týǵan jeri
6. Ulty
7. Jynysy
8. Otbasylyq jaǵdaıy
9. Azamattyǵy týraly málimetter:
azamattyǵy (burynǵy azamattyǵy)
basqa memlekettiń azamattyǵy (bolǵan jaǵdaıda)
Qazaqstan Respýblıkasy azamattyǵyn alǵan kúni
Qazaqstan Respýblıkasy azamattyǵyn joǵaltqan kúni
10. Jeke sáıkestendirý nómiri (JSN)
11. Teńizshiniń jeke sáıkestendirý nómiri
12. Portrettik beınesi (sıfrlanǵan fotosýreti)
13. Qoly
14. Zańdy meken-jaıy, zańdy meken-jaıyn tirkegen
(tirkeýden shyǵarǵan) kúni
15. Jeke basyn kýálandyratyn qujattyń derekteri:
qujattyń ataýy
qujattyń nómiri
qujatty bergen kúni
qujattyń qoldanylý merzimi
qujatty bergen organ
Buıryq Qazaqstan Respýblıkasynyń Ádilet mınıstrliginde 2013 jylǵy 14 jeltoqsanda Normatıvtik quqyqtyq kesimderdi memlekettik tirkeýdiń tizilimine №8962 bolyp engizildi.