DURYS DAMÝ ÚShIN DURYS JOSPARLAÝ KEREK

Keshe Parlament Májilisi Tóraǵasynyń orynbasary Vladımır Bobrovtyń jetekshilik etýimen Úkimet saǵaty ótti. “Eldiń údemeli ındýstrııalyq-ınnovasııalyq damýynyń 2010-2014 jyldarǵa arnalǵan baǵdarlamasy týraly” taqyryby boıynsha Premer-Mınıstrdiń  orynbasary – Indýstrııa jáne jańa tehnologııalar mınıstri Áset Isekeshev baıandama jasady. Memleket basshysy eldi da­my­týdyń 2020 jylǵa deıingi jańa strategııasyn jarııa etti. Taıaý on jyldyqtaǵy ornyqty jáne teń­gerimdi damý ulttyq eko­nomıkany jedel ártaraptandyrý jáne onyń básekege qabiletin arttyrý esebinen qamtamasyz etiletin bolady. Jaqynda qabyldaǵan Údemeli ındýstrııalyq-ınnovasııalyq da­mýdyń 2010-2014 jyldarǵa arna­ǵan memlekettik baǵdarlamasy eli­mizdiń 10 jyldyq damý strate­gııa­syn iske asyrýdyń birinshi 5 jyldyq ın­dýs­trııalyq jospary bolyp tabylady. “El Prezıdenti qoıyp otyr­ǵan maqsattar shynynda da aýqym­dy. О́ıtkeni, ol birden úsh bir­deı min­detke qol jetkizýge ba­ǵyt­talǵan. Birinshisi – ındýs­trııa­landyrý. Ekin­shisi – údemeli ındýs­trııa­lan­dyrý, ol Qazaqstan­nyń keleshek­tegi damý pers­pek­tıvasyna aıtar­lyqtaı serpin ber­mek. Úshinshisi – ınnovasııalyq ındýstrııalandyrý. Bul tusta áńgi­me eńbek ónimdiligi men jańa tehnologııalar birinshi kezekke shy­ǵarylatyn jańa ekono­mıka­lyq sana týraly bolyp otyr. Kóp­tegen elderde ındýstrııalan­dy­rý úderisi birneshe kezeńderden turdy, alaıda bizge bul úsh min­detti de taıaý bes jyl ishinde she­shý qa­jet. Sondyqtan Memleket basshy­sy barlyq resýrstardy jumyl­dy­rý, ortalyq pen óńir­lerdiń qyz­metin naqty úılestirýdi qamtama­syz etý boıynsha, memle­ket pen bıznestiń ózara is-qımy­lynyń jańa deńgeıine shyǵý min­detterin qoıdy. Baıypty tal­da­malyq zert­teýler baǵdarlama­nyń negizi boldy. Biz barlyq buǵan deıingi strate­gııa­lardy, qabyl­dan­ǵan qandaı shara­lar áserli bolǵanyn, al qaısysy nelikten áserli bolmaǵanyn zert­tedik. Biz bul baǵdarlamany ázirleý úderisin barynsha ashyq jáne aıqyn etýge umtyldyq. Úılestirý keńesi quryldy, onda bıznespen birge negizgi ózekti máseleler tal­qylandy. Barlyq óńirlerde on­da­ǵan kezdesýler men talqylaýlar ótkizilip, oǵan kásiporyndardyń aýqymdy bóligi, barlyq salalyq qaýymdastyqtar tartyldy”,– dedi Áset Isekeshev. Baıandamashy baǵdarlamanyń nysanaly ındıkatorlaryna toq­talǵanda, 2014 jyldyń aıaǵyna qa­raı qol jetkizýge tıisti mejelerdi atap ótti. Ishki jalpy ónimdi (IJО́) 2008 jyl deńgeıiniń 50%-yna deıin ósirý, óńdeýshi sektorda eńbek ónim­diligin 50%-ǵa, eko­no­mıkanyń je­kelegen sektorla­ryn­da 100%-ǵa joǵarylatý, shıkizat­tyq emes eks­port úlesin 40%-ǵa deıin jetkizý, IJО́-niń energııa syıymdylyǵyn 2008 jylǵy deń­geıden 10%-ǵa tó­mendetý, ınno­va­sııalyq kásiporyn­dardyń úlesin jumys istep turǵan kásiporyn­dar­men salystyrǵanda 10%-ǵa deıin ulǵaıtý mindetteri alǵa qoıylǵan. Sonymen qatar, Áset Iseke­shev elimizdiń tórt baǵdarlama­sy­nyń, atap aıtqanda, “Investı­sııa­lar-2020”, “О́nimdilik-2020”, “Eksport-2020”, “Bıznestik jol kartasy-2020” jos­parlarynyń oryn­da­lý kezeń­deri men joldaryn baıan­dap ótti. Baıandamashy Úkimet saǵatynda depýtattardyń suraqtaryna jaýap berdi. Úkimet saǵatyn Vladımır Bob­rov qorytyndylady. Aıbatyr SEITAQ, jýrnalıst.