Tehnıka parkin jańarta almaı otyr

«Atamekendi» transformasııalaý aıa­synda óńirlerdi aralap júrgen pa­la­ta­nyń basqarma tóraǵasynyń min­­detin at­qarýshy Narıman Ábil­sh­aıyqovqa jer­gilikti sharýalar bet­pe-bet kelip otyr­ǵan máselelerin jetki­z­di. Ká­sip­ker­­ler­diń pikirinshe, aýyl sha­rýa­shy­ly­ǵy­na qajetti tehnıkalarǵa beril­etin mem­lekettik qoldaýdy qaıta qaraý qajet.

– Geosaıası jaǵdaılarǵa baılanys­ty dollar baǵamynyń ózgerýi aýyl sha­­rýashylyǵy tehnıkalaryn qymbat­ta­typ jiberdi. Buǵan deıin sheteldik kúrish jınaý kombaındarynyń baǵasy 130-140 mln teńge shamasynda bolsa, qazir 170-200 mln teńgege jetti. Mem­leketten tehnıkalarǵa beriletin ın­ves­tısııalyq sýbsıdııanyń erejesin qaıta qaraý kerek. Sebebi tehnıka quny­nyń 25 pa­ıy­zyna deıin sýbsıdııalaý­dy kóz­­deı­­­tin qoldanystaǵy erejede ruq­sat etil­gen kólem eski baǵamen kór­se­til­­gen, – deıdi «Ysamaddın» sharýa qo­ja­­lyǵynyń tóraǵasy Janarbek Nurymbetov.

Kásipkerdiń aıtýynsha, fermer­ler­diń moınynda budan bólek ýtıl alym jáne keden salyǵy bar. Nesıe júk­te­me­leri de kóp. Onyń ústine teh­nı­kanyń qym­bat­taýy men sýbsı­dııa­nyń azaıýy sal­dary­nan saladaǵy kásip­kerler mashına-traktor parkin jańarta almaı otyr.

О́ńirlik keńes músheleri «Bastaý Bıznes» jobasyna, paıyzsyz nemese 2 paıyzben nesıe berý, salyqtyq jeńildik jáne kommýnaldyq tólem shyǵyndaryn sýbsıdııalaý, nesıeni ekinshi deńgeıli banktermen qatar shaǵyn qarjy uıymdary arqyly berýge qatysty usynystaryn bildirdi.

– Búgingi ekonomıkalyq ahýal kásip­kerliktiń barlyq derlik salasyna yqpal etip otyr. Sondyqtan aı­tyl­ǵan máselelerdiń bári Úkimet deńgeıinde talqylanady. Sondaı-aq ulttyq palatanyń transformasııasyna qatysty usynystar eskerilip, mamyrda qorytyndy qujat ýákiletti organǵa joldanady, – deıdi N.Ábilshaıyqov.

Aıta keteıik, ulttyq palata basqar­masy aımaqtaǵy kásipkerlermen kez­desip, transformasııalaýǵa qatys­ty usynystaryn talqylap jatyr. Buǵan deıin tóralqa tóraǵasy Raıymbek Batalov Aqtóbe oblysy, Nur-Sultan qalasynyń bıznesmenderimen kezdes­ken bolatyn.