Qazgıdromet 26 sáýirge arnalǵan aýa raıy boljamyn jarııalady, dep habarlaıdy Egemen.kz.
Atmosferalyq fronttardyń saldarynan shyǵysta, ońtústikte, ońtústik-shyǵysta jańbyr jaýady. Almaty oblysynyń shyǵysynda qatty jańbyr jaýady. Al respýblıkanyń qalǵan bóligi antısıklonnyń yqpalynda bolady. Bul jaýyn-shashynsyz aýa raıy men aýa temperatýrasynyń kóterilýine yqpal etedi.
Respýblıka boıynsha tuman, jeldiń kúsheıýi, ońtústik óńirlerde naızaǵaı jarqyldap, daýyl kútiledi. Almaty oblysynyń Alakól kólderinde jeldiń jyldamdyǵy 20-25, ekpini 30 m/s jáne odan da kóp bolady dep kútilýde.
Túrkistan oblysynyń taýly aýdandarynda kún kúrkireıdi, jel 15-20 m/s kúsheıedi, Jambyl oblysynyń taýly aýdandarynda kún kúrkireıdi, tańerteń jáne kúndiz ońtústik-batysta, soltústik-shyǵysta, taýly aýdandarda jel 15-20 m/s kúsheıedi.
Túnde jáne tańerteń Qostanaı oblysynyń soltústik-shyǵysynda tuman túsedi, kúndiz oblystyń soltústiginde jeldiń jyldamdyǵy 15 m/s jetedi, Aqmola oblysynyń soltústik-shyǵysynda jeldiń jyldamdyǵy 15-20 m/s jetedi, kúndiz Soltústik Qazaqstan oblysynyń shyǵysynda jeldiń kúshi 15-20 m / s jetedi.
Atyraý oblysynyń shyǵysynda 15-20 m / s jel kúsheıedi, túnde Qaraǵandy oblysynyń batysy men shyǵysynda tuman túsedi.