Búgin, 10 sáýir kúni elimizdegi kúsh jáne tártip quraldarynyń qoǵamdyq tártip pen qaýipsizdikti qamtamasyz etý jónindegi mindetterdi oryndaýǵa daıyndyǵyn tekserýge arnalǵan respýblıkalyq jıyn ótkizildi. Bul týraly Ishki ister mınıstrliginiń baspasóz qyzmeti habarlady.
Aýqymy jaǵynan teńdessiz bul jıyn elimizdiń 12 oblysy men Almaty qalasynda bir mezgilde júrgizildi. Jıynǵa Ishki ister mınıstrligi ishki ister organdary men ishki ister áskerı qyzmetkerlerinen bólek, Tótenshe jaǵdaılar mınıstrliginiń órt qyzmeti men basqa da bólimsheleriniń, kólik jáne basqa da organdardyń qyzmetkerleri, Qarýly kúshter áskerı qyzmetkerleri qatysty.
Jıyndy Prezıdent kómekshisi – Qaýipsizdik Keńesiniń hatshysy Qaırat Qojamjarov basqardy. Onyń júrý barysyn Qazaqstan Respýblıkasynyń Premer-Mınıstri Kárim Másimov baqylady.
Jıyn óziniń maqsatyna jetti, memlekettik organdardyń ózara birlesken is qımyly pysyqtalyp, polıseıler men apatty-qutqarý qyzmetiniń tehnıkamen jaraqtandyrylý jaıy, olardyń jumystaryndaǵy daǵdylar, sondaı-aq kúshter men quraldardy bekitilgen normatıvti merzim sheńberinde basqa jaqtarǵa aýystyrý jónindegi áreketterdiń júzege asyrylý deńgeıi tekserildi.
Jıyn bitkennen keıin barlyq kúshter men quraldar ózderiniń turaqty oryndaryna qaıtaryldy.
Premer-Mınıstr Kárim Másimov Ishki ister mınıstrligi men basqa da memlekettik organdardyń jıyn barysyndaǵy is-qımylyna tutastaı alǵanda oń baǵa berdi.
Murat Aıtqoja.
Derekkóz: Ishki ister mınıstrliginiń baspasóz qyzmeti.