Qazaqstannyń syrtqy saıası vedomstvosynyń ujymyna QR saıası qyzmetshisiniń antyn bergen Syrtqy ister mınıstriniń jańa orynbasary Ermuhambet Qonyspaev tanystyryldy, dep habarlaıdy Egemen.kz.
Ol Qazaqstan Respýblıkasynyń Konstıtýsııasy men zańdaryn saqtaýǵa, óz halqyna adal qyzmet etýge ant berdi.
SIM ujymyna sondaı-aq jańadan taǵaıyndalǵan Erekshe tapsyrmalar jónindegi elshi Jalǵas Ádilbaev, Eýropa departamentiniń dırektory Oljas Súleımenov, Ortalyq Azııa departamentiniń dırektory Nurjan Kadjıaqbarov, Eýrazııalyq ıntegrasııa departamentiniń dırektory Jánibek Imanálıev jáne Zań qyzmeti departamentiniń dırektory Jandos Buhbantaev tanystyryldy.
О́z kezeginde, QR mınıstriniń burynǵy orynbasary Marat Syzdyqov áriptesterine birlesken jumys úshin jáne memleket basshylyǵyna UQShU janyndaǵy Qazaqstannyń Turaqty ókili retinde taǵaıyndaýǵa baılanysty senim bildirgeni úshin alǵys aıtty.
Mınıstr M.Tileýberdi oǵan jáne SIM qurylymdyq bólimsheleriniń jańadan taǵaıyndalǵan basshylaryna jumysta tabys tiledi.