Sınoptıkter 27 sáýirge arnalǵan aýa raıy boljamyn usyndy. Elimizdiń basym bóliginde aýa raıy jaýyn-shashynsyz, ashyq bolady, dep habarlaıdy Egemen.kz.
Túrkistan oblysynyń taýly, taý bókterindegi aımaqtarynda sınoptıkterdiń boljaýynsha, naızaǵaı oınap, burqasyn bolady, jel 15-20 m/s-ke deıin kúsheıedi.
Jambyl oblysynyń ońtústiginde, soltústik-shyǵysynda, taýly aımaqtarda kún kúrkirep, burshaq jaýýy múmkin, taýly aımaqtarda jel 15-20 m/s-ke deıin kúsheıedi.
Kúndiz Qyzylorda oblysynyń ortalyǵynda, ońtústikte, Mańǵystaý oblysynyń ortalyǵynda jel 15-20 m/s-ke deıin kúsheıip, shańdy daýyl soǵady.
Kúndiz Soltústik Qazaqstan oblysynyń basym bóliginde, Qostanaı oblysynyń soltústiginde, Batys Qazaqstan oblysynyń ońtústik-batysynda, batysynda, Atyraý oblysynyń ortalyǵynda, Almaty oblysynyń shyǵysynda jel 15-22 m/s-ke deıin kúsheıedi.
Batys Qazaqstan oblysynyń ońtústiginde, soltústiginde, Aqtóbe, Pavlodar oblystarynyń ortalyǵynda órt qaýpi bar.
Nur-Sultanda kóshpeli bult shyǵady, jaýyn-shashynsyz. Ońtústik-batystan 2-7 m/s jel soǵady. Aýa temperatýrasy túnde +3...+5°S, kúndiz +20...+22°S bolady.
Almatyda kóshpeli bult shyǵady, kúndiz jańbyr jaýady, jel soǵady. Aýa temperatýrasy túnde +8...+10°S, kúndiz +17...+19°S bolady.
Shymkentte kóshpeli bult shyǵady, túnde jáne tańerteń ótkinshi jańbyr jaýyp, naızaǵaı oınaıdy. Shyǵystan 8-13 m/s jel soǵady. Aýa temperatýrasy túnde +11...+13°S, kúndiz +24...+26°S bolady.