«Aqtaý - kedendik resimdeý ortalyǵy» keden beketinde taýarlardy jalǵan deklarasııalaý deregi anyqtaldy, dep habarlaıdy Egemen.kz.
Mańǵystaý oblysy boıynsha memlekettik kirister departamentiniń habarlaýynsha, «Aqtaý - kedendik resimdeý ortalyǵy» keden beketinde jeke kásipker M. Iran Islamdyq Respýblıkasynan ımporttalǵan «Trıkotaj mata» ataýy bar taýarlarǵa bergen deklarasııasyna baqylaý júrgizý kezinde jalǵan deklarasııalaý deregi belgili bolǵan.
«Máselen, kedendik ákelý baj salyǵy 5% bolatyn «Trıkotaj mata» taýar kodynyń ornyna naqty kedendik baj salyǵy 1 kg úshin 0,61 eýrony quraıtyn «Jabyndy» taýarynyń kodymen ótkizilgen. Kontrabandalyq taýarlardyń kedendik quny 66,4 mln teńgeni, keltirilgen shyǵyn kólemi 20,9 mln teńgeni qurady», dep málimdedi vedomstvodan.
Atalǵan oqıǵanyń materıaldary Mańǵystaý oblysy boıynsha Ekonomıkalyq tergeý departamentine prosessýaldyq sheshim qabyldaý úshin joldandy.